26-ТӤ УРОК
Малы сомында лек ужъёс но курадӟонъёс?
Куке мар ке уродэз луэ, адямиос ӵем дыръя юало: «Малы озьы луиз?» Ми туж шумпотӥськомы, Библия та юанлы пыр-поч валэктон сётэ шуыса!
1. Шайтанлэн кыӵе ужез бордысен лек ужъёс вӧлмизы?
Шайтан Дьявол Инмарлы пумит ӝутскиз. Солэн мукетъёсыныз кивалтэмез потӥз. Соин ик со пӧяз нырысетӥ адямиосты, Адамез но Еваез. Озьы со соосты Инмарлы пумит ӝутӥз (Улон-вылон 3:1—5). Со вераз Евалы, соос Инмарлэсь ӧз кылзӥське ке, шудогес луозы шуыса. Озьы Шайтан Еваез малпаны косӥз, Иегова солэсь мае ке умойзэ ватэ шуыса. Шайтан вераз Евалы, со уз кулы шуыса. Со вал нырысетӥез пӧяськон. Соин ик Библиын Шайтан «ӧрекчаськись, ӧрекчаськонлэн атаез» шуыса нимамын (Иоанн 8:44).
2. Мае бырйизы Адам но Ева?
Иегова Адамлы но Евалы Едем садысь котькыӵе писпуысь емышъёсты сиыны лэзиз, одӥг писпуысь гинэ ӧз лэзьы (Улон-вылон 2:15—17). Но нырысетӥ адямиос Инмарлэсь ӧз кылзӥське. Соос со писпуысь емышез сиизы. Ева «писпуысь емышез ишкалтӥз но сииз сое». Берлогес Адам но сииз со писпуысь емышез (Улон-вылон 3:6). Соос кыкназы но Инмарлэсь сётэм законзэ тӥязы. Адам но Ева сьӧлыктэмесь вал, соин ик соослы секыт ӧй вал Инмарлэсь кылзӥськыны. Но соос Инмарлэсь кылзӥськытэк улонэз бырйизы. Сиыны лэзьымтэ емышез сиыса, соос возьматӥзы, соослэн уг поты, Инмар соослы мед вералоз шуыса, мар ӟечез, нош мар уродэз луэ. Кылзӥськымтэзы соослэсь улонзэс куашкатӥз (Улон-вылон 3:16—19).
3. Кызьы Адамлэн но Евалэн кылзӥськымтэзы ми вылын шӧдӥськиз?
Куке Адам но Ева сьӧлыказы, соос сьӧлыкоесь луизы. Берлогес соослэн сьӧлыксы мукет адямиослы но выжиз. Адам сярысь Библиын верамын: «Одӥг адями пыр дунне вылэ сьӧлык пыриз, нош сьӧлык пыр кулон лыктӥз, соин сэрен кулон вань адямиос доры вуиз» (Римъёслы 5:12).
Адямиос пӧртэм мугъёсын сэрен курадӟо. Куддыръя ми курадӟиськомы асьмелэн лэсьтэм янгышъёсынымы сэрен, куддыръя — мукет адямиосын сэрен. Нош куддыръя ми курадӟиськомы, малы ке шуоно тупасьтэм дыре тупасьтэм интые учыраськомы. (Лыдӟе Екклесиастэз 9:12.)
МУРГЕС ЭСКЕРЕ
Тодэ, малы Инмар янгыш ӧвӧл, дунне вылын сомында лек ужъёс но курадӟонъёс шуыса. Озьы ик тодэ, кызьы Инмар учке милям курадӟеммы шоры.
4. Кин янгыш, ми курадӟиськомы шуыса
Тросэз адямиос оско, дуннеен Инмар кивалтэ шуыса. Озьы-а со? Учке ВИДЕОРОЛИКЕЗ.
Лыдӟе Иаковлэсь 1:13 но 1 Иоаннлэсь 5:19 но та юанлы валэктон сётэ:
Янгыш-а Инмар, адямиос курадӟо шуыса?
5. Кытчы вуттӥз Шайтанлэн кивалтэмез
Лыдӟе Улон-вылонэз 3:1—6 но та юанъёслы валэктонъёс сётэ:
Кызьы пӧяз Шайтан? (Учке 4-тӥ но 5-тӥ кылбуръёсты.)
Мар вераз Шайтан, Ева мед малпалоз, Иегова адямиослэсь мае ке умойзэ ватэ шуыса?
Шайтан верамъя, кулэ-а адямиослы Иеговалэсь кылзӥськыса улыны, шудо луон понна?
Лыдӟе Екклесиастэз 8:9 но та юанлы валэктон сётэ:
Кызьы воштӥськиз дунне Иегова соин кивалтэмысь дугдэм бере?
А. Адам но Ева сьӧлыктэмесь вал. Соос райын улӥзы. Но соос Шайтанлы оскизы но Иеговалы пумит султӥзы
Б. Пумит ӝутскемен сэрен, дунне вылэ вӧлмизы сьӧлык, курадӟонъёс но кулон
В. Иегова быдтоз сьӧлыкез, курадӟонъёсты но кулонэз. Адямиос сьӧлыктэмесь луозы но выльысь райын улозы
6. Иеговалы вӧсь луэ, куке ми курадӟиськомы
Адӟе-а Инмар курадӟеммес? Учке, мар веразы Давид эксэй но апостол Пётр. Лыдӟе Псалтирез 30:8 но 1 Пётрлэсь 5:7 но та юанлы валэктон сётэ:
Кыӵе тӥляд шӧдонъёсты кылдо, куке тӥ тодӥськоды, Иегова курадӟемдэс адӟе но тӥледыз туж жаля шуыса?
7. Инмар курадӟонъёсты пыраклы быдтоз
Лыдӟе Исаиялэсь 65:17 но Усьтӥськонэз 21:3, 4 но та юанлы валэктон сётэ:
Иегова кылзэ сётэ, со курадӟонъёсты быдтоз но соослэсь бервылъёссэс тупатоз шуыса. Шумпоттэ-а тӥледыз таӵе кылсётон? Малы?
Тодӥськоды-а тӥ?
Куке Шайтан нырысьсэ пӧяз, со Иеговалэсь ӟеч нимзэ саптаз. Соин сэрен адямиос малпаны кутскизы, Иегова урод кивалтӥсь но со адямиосты уг яраты шуыса. Куке Иегова матысь дыре вань курадӟонъёсты быдтоз, со аслэсьтыз ӟеч нимзэ берыктоз. Мукет кылъёсын вераса, со возьматоз, со самой умой кивалтӥсь шуыса. Иеговалэсь нимзэ чылкытатон — со дунне вылысь тужгес но кулэ луись уж, кудзэ ми нырысь ик быдэстыны кулэ (Матфей 6:9, 10).
КИН КЕ НО ВЕРАНЫ БЫГАТОЗ: «Инмар милемыз курадӟыны кылдытӥз».
Мар тӥ верасалды?
ТОДЭ ВАЁН
Шайтан Дьявол но нырысетӥ адямиос, Адам но Ева, янгыш луо, музъем вылын сомында лек ужъёс но курадӟонъёс шуыса. Иеговалы вӧсь, куке ми курадӟиськомы, соин ик ӝоген со вань курадӟонъёсты но соослэсь урод бервылъёссэс быдтоз.
Мае тон тодӥд?
Кызьы Шайтан Дьявол Еваез пӧяз?
Кызьы Адамлэн но Евалэн Инмарлы пумит султэмзы ми вылын шӧдӥськиз?
Кытысь ми тодӥськомы, Иеговалы вӧсь луэ шуыса, куке со милесьтым курадӟеммес адӟе?
ТРОСГЕС ТОДЭ
Тодэ, мае Библия сьӧлыкен нима
Лыдӟе но тодэ, кыӵе юанъёсты ӝутӥз Шайтан Дьявол Едем садын.
«Малы Инмар курадӟонъёсты уг быдты на?» («Возьмаськон башня», 2014-тӥ ар, 1-тӥ толшор)
Тодэ сюлмаськытӥсь юанлы валэктонэз. Со тӥледыз буйгатыны быгатоз.
«Малы холокост вал? Малы Инмар лэзиз, холокост мед луоз шуыса?» (jw.org сайтысь статья)
Учке, мар тодӥз одӥг пиосмурт курадӟонъёс сярысь.