Зәбур
Хор башчисиға. «Һалак қилма». Саул падиша Давутни өлтүрүш
үчүн, өйини күзитишкә әвәткән вақти тоғрилиқ Давутниң язмиси.
59 Пәрвәрдигарим, мени дүшмәндин қутулдурғина,
Маңа қарши чиқиватқанлардин қоғдиғина.
2 Қануниңға хилаплиқ қилғанлардин,
Қанхорлардин һимайә бәргинә!
3 Мана, улар җенимға яманлиқ ойлимақта,
Күчлүкләр қилмишим вә гунайим үчүн әмәс,
Маңа қәстлик қилмақта, Йәһва.
4 Мәндә әйип болмисиму, улар қураллиниватиду,
Шуңлашқа мән үчүн ойғинип, қариғина.
5 Сән Йәһва — әскәрләр Сәркиси, Исраилниң
Нәқ Худаси! Ойғанғина, барлиқ ушбу
Хәлиқләрни зиярәт қилип, беқанун
Хаинларни айимиғина. (Селаһ)
6 Улар ахшими қайтип, иштлардәк
Һавушуп, шәһәр әтрапида жүрсун.
7 Мана, улар тили билән қарғайду, еғизида қиличлар,
Улар һечким аңлимайду, дәп ойлайду.
8 Лекин Сән, Йәһва, уларни мәсхирә қилип, барлиқ
Мәзкүр хәлиқләрни шәрмәндичиликтә қойисән .
9 Улар қувәтлик, амма мән Саңа қараймән, чүнки
Сән мениң Күчүм, мени Сақлиғучи!
10 Маңа рәһим көрситиватқан Худа алдимға чиқиду.
Мениң Илаһим дүшминимгә қорқмай
Қарашни бериду.
11 Хәлқим унтуп қалмасқа уларни өлтүрүвәтмә.
Қудритиң түпәйли уларни қәләндәр қилип
Чечивәт, Йәһва Қалқинимиз, ғулитивәт.
12 Еғизиниң гунайи үчүн, тилиниң гәплири,
Мәғрурида бәргән қәсәмлири вә
Алдамчилиғи үчүн җазалиғин.
13 Қәһриңдә уларни чәйләвәткинә. Ахириға келип,
Шуни билсунки, Яқупниң үстидин һәм униң
Зимининиң четигичә Яратқучи
Өзи Һөкүмран болмақта! (Селаһ)
14 Улар кәчқурун қайтип келип, иштлардәк һавушуп,
Пәқәт шәһәр әтрапида жүрсун.
15 Озуқ тепиш үчүн тәлмүрүп,
Қосиғи тоймай, түнләрни өткүзсун.
16 Мән болсам, қудритиңни күйләп, Сениң вапа
Сөйгүң һәққидә әтигәндин җакалаймән. Сәвәви,
Сән азап күнлиримдә қорған һәм пана болдуң.
17 Аһ, мениң Күч-Қудритим! Саңа апирин әйләймән,
Чүнки Сән мениң мустәһкәм Егизлигим,
Маңа рәһим-шәпқәт беғишлаватқан Худайимим!