Аюп
20 Наамалиқ Зопар сөзини башлап, җавап қайтурғач, мундақ деди:
2 «Демәкчи, мениң мулаһизилирим
җавапқа лазим сөз бериду,
Чүнки қәлбим әнсирәватиду.
3 Мениң үчүн хапа нәсиһәтни аңлидим
вә әқлимниң роһи мән үчүн
җавап қайтуриду.
4 Адәм балиси төрәлгәндин башлап,
Әһвал шундақ екәнлигини билмәслигиң һәҗәплинәрлик:
5 Рәзилләр шатлиғи қисқа вақитлиқ
Һәм сахтипәзниң хошаллиғи
бираз дәқиқидур.
6 Һәтта униң бүйүклиги көккичә өсүп,
Униң беши булутларға тәгсиму,
7 Ахири қиғидәк йоқайду.
Уни көргәнләр уни издәйду.
8 У болса, чүштәк учуп кетиду,
Түндики қар бесиштәк қоғлиниду.
9 Уни көргән көз башқа көрмәйду
Вә униң орни уни байқимайду.
10 Униң оғуллирини болса,
намратлар қийнайду,
Униң қоллири һәқсизлигигә
төләм бериду.
11 Униң устиханлири қавул болсиму,
Буниң һәммиси топраққа кириду.
12 Әгәр явузлуқ еғизида татлиқ болса,
Әгәр уни тили астида күзәтсә,
13 Уни сақлап, ташлимиса,
Бәлки уни калпугида тутса,
14 Униң озуғи ич-қарнида өзгириду,
Ланларниң сәпрайи болуп кетиду.
15 У мүлүкни жутқан болса, қусуветиду:
Худа уни қарнидин чиқириду.
16 Иланниң оғисини шориған болса,
Уни сур илан өлтүриду.
17 Һәсәл билән сүткә толған
ериқларни у көрмәйду,
Май билән бай болған
өстәңләргә еришмәйду.
18 Тартивалған нәрсиләрни
жуталмай яндуриду,
Байлиғиға яриша уни қайтуриду.
19 У езип, гадайларни вәйран қилған,
Өйләрни салмай, тартивалған.
20 Чүнки жүригидә арам тапмай,
Халиғанни қолдин чиқармиған.
21 Һечнәрсә ачкөзлүгидин қалмайду,
Шуңа униң бәхти чиң болмайду.
22 Молчилиғиниң толуғида
У қистанға учрайду,
Һәр хапа кишиниң қоли
униңға көтирилиду.
23 Униң қарни У әвәткән кәһриниң
ялқуниға толиду,
Ямғурдәк ичигә услуқ
шақирап тошиду.
24 У төмүр қуралдин қачса,
Мис оқ-я уни тешиду.
25 Оқ униң дүмбисидин чиқип,
Қурал өтини яриду,
Вапатида дәһшәтләр қоршайду.
26 Зулмәт Униң ғәзнисидә йошурунди,
Пүвдимигән от ялмап жутиду
Вә өйидики қалған нәрсини
йоқ қиливетиду.
27 Сама униң әйиплирини ечип,
Йәр-зимин униңға қарши чиқиду.
28 Маканиниң бәрикити учуп,
Ғәзәп күнидә еқитилип кетиду.
29 Мана, Худаға яқмайдиған
адәмниң қисмити
Вә Илаһниң униңға бәлгүлигән қисмәт-несиви».