Аюп
41 Сән белиқчиниң қармиғи билән тимсаһ,
крокодилни, чиқираламсән?
Яки ағамча билән
униң тилини бағлаламсән?
2 Униң бурниға қомучтин
һалқини киргүзәләмсән, яки бегиз
билән иңәклирини тешәләмсән?
3 У саңа ялвурамду?
Мулайим сөз билән гәп қиламду?
4 Сениң билән келишим түзәмду,
Уни мәңгү қулуң қилишқа?
5 Сән униң билән қучқачтәк
ойналамсән вә қизчақлириң үчүн бағлап берәләмсән?
6 Уни башқа бир немигә
Кишиләр алмаштураламду?
Қанан содигәрлиригә саталамду?
7 Униң терисини оқлар билән
Сән тешәләмсән,
Униң бешини очи нәйзиси билән?
8 Бешиға қолуңни қоюп баққин,
есиңда ким билән җәңгә
чүшкиниңни һәргиз унтума!
9 Мана, ким ғәлибигә ишәнгән болса,
Үмүтидин қайтиду,
Бир түридин кәйнигә чекиниду.
10 Уни териктүридиған батур йоқ,
Унда Мәндин ким чөчүмәйду?
11 Ким Маңа алдин бәргән,
Мән униңға қайтурушум үчүн?
Каинаттики һәммәйлән Мениңки!
12 Униң әзалириниң әҗайип
екәнлиги тоғрилиқ йошурмаймән,
Униң қудрити һәм қуралиниң гөзәллиги һәққидә.
13 Ким униң кийиминиң
четини ачалайду?
Ким униң икки қурлуқ
чишлиридин өтәләйду?
14 Ким униң мәккәм үзиниң
ишиклирини ачалайду?
Чишлириниң қурлири дәһшәттур!
15 Дүмбисиниң қалқанлири қаттиқтур,
Ишәнч мөһүри бесилғандәк, чиңдур.
16 Улар бир-биригә йеқин җайлишип,
Арисидин һаваму өтмәйду.
17 Бир-бирсигә йеқин йетип,
Гоя җәңдә туташқан
әскәрдәк аҗримайду.
18 Чүш күрүшидин нур яниду,
Көзлири униң таң йорушидәк.
19 Ағзидин чақмақ чиқиду,
Өрт ялқунлири сәкрәйду.
20 Униң ағзидин ис кәби
Көйүватқан очақтин чиқиду.
21 Һәтта униң дәм елиши
чоғларни туташтуриду
Вә гүлхан ағзидин етилиду.
22 Бойнида вәһшилик ятмақта,
Алдидин қорқунуч маңмақта.
23 Бәдининиң гөшлири қаттиқ,
Тенидә һечнемә мидирлимайду.
24 Униң жүриги таштәк мәккәм
Вә түгмәнниң тешидәк чиңдур.
25 У көтирилгәндә, ғәйрәтликләр
титиришип чөчүйду,
Улар паракәндигә берилиду.
26 Күрәштә униңға қарши чиққан
Йә нәйзә, йә оқ, йә палта туралмайду.
27 Төмүр униң үчүн саман,
Мис болса — сесиқ дәрәқ.
28 Уни оқ-я қоғлалмайду.
Етилған ташлар түкүрүшләрдәк.
29 Калтәкни у чөптәк санайду,
Нәйзиниң һайвәтлик ушқетишини мәсхирә қилиду.
30 Униң асти учлуқ қийиндилар,
чишлиқ әсваптәк лайда ятиду.
31 У чоңқурни қазандәк қайнитиду,
Деңиз қайнаватқан яққа охшайду.
32 Кәйнидә пақирақ изни қалдуруп,
Уни суларниң еқиға охшитисән.
33 Униңға охшаш йәрдә һечким йоқ.
У шундақ қорқумсиз яритилған.
34 Егиз нәрсигә әйминмәй қарайду:
У һакавур оғулларниң шаһидур!»