Йәшая
53 Ким бизниң вәзимизгә ишәнди һәм
Кимгә Йәһваниң күчи көрүнди?
2 У Униң алдида йеңи, назук өсүмлүктәк
Пәйда болди. У қағҗирап кәткән йәрдә
Томур тартти. Униңда алаһидә чирай
Яки қәдди-қамәт болмиди, униң ташқи
Көрүнүши өзигә бизни җәлип қилмиди.
3 Уни адәмләр тәңситмиди вә улар униңдин
Чәтнәтти. У азап чекип, көңүл ағриқ
Һәм кесәлләр билән тонуш еди. Униң
Чирайидин кишиләр нәзәрини тартатти
Вә биз уни һечнемә көрмәттуқ.
4 Лекин у бизниң көңүл ағриқлиримизни
Өзигә алди вә кесәллиримизни
Өзидә көтәрди. Һә, биз болсақ,
Уни Худайим җазалап, қийнап,
Азаплаватиду, дәп ойлаттуқ.
5 Амма у бизниң қилмишлиримиз үчүн
Җараһәтлинип, қанунсизлиқлиримиз үчүн
Урулған еди. Пүткүл җаһанниң җазалиниши
Униңда болуп, бизгә дава әкәлди.
Ярилири арқилиқ биз сақайдуқ.
6 Барлиғимиз қойлардәк тәнтирәп, жүргән едуқ,
Һәрқайсимиз өз йолимизға кәткәндуқ.
Йәһва Яратқучи униң үстигә
Һәммимизниң әйивини жүклиди.
7 Уни вәһшиләрчә қийниди, лекин у
Өзини бесип, еғизиниму ачмиди.
Уни қойни союшқа елип маңғандәк
Вә қой қирқиғучиниң алдида теч ятқандәк,
Ятти һәм бирму сөз ейтмиди.
8 Уни қистап, адаләтсиз сотлиди һәм
Ахирида һаяттин мәһрум қилди.
Униң келип чиқиши һәққидә ким ойлансун?
У тирикләр зиминидин кәстүрүлүп елинди,
Хәлқимниң қилмишлири үчүн қәтл қилинди.
9 Гәрчә еғизида қувлуқ болмисиму вә
У һечкимгә яманлиқ қилмисиму,
Өлтүрүш җайи қанунсизлар билән болди,
Лекин өлгәндә, байлар билән дәпин қилинди.
10 Йәһваниң ирадисигә лайиқ у һалак қилиниши
Керәк еди вә азап тартишиға йол қоюлди.
Униң җени тазилаш қурбанлиғини
Әкәлгәндин кейин, у өз уруғини көрүп,
Узақ яшайду һәм униң арқилиқ
Йәһваниң ирадиси орунлиниду.
11 Җасарәтлик әмгигидин кейин у мевиләрни
Көрүп, хошал болиду. Көп синақлардин
Кейин у, Мениң һәққаний хизмәтчим,
Нурғунлиған инсанларға ақлиниш
Әкелип, уларниң гуналирини көтириду.
12 Шуниң үчүн Мән униңға нурғунлири билән
Несивини беримән вә күчлүкләр қатарида
У олҗини бөлиду. Чүнки у өз җенини
Өлүмгә берип, қилмишкәрләр ретидә
Һесапланған еди. Гәрчә у өзигә көплириниң
Гуналирини елип, җинайәтчиләр васитичиси
Болуш вәзиписини жүклиди.