Тарихнамә 1-язма
15 Давут өзигә Давут шәһиридә өйләрни салди вә һәққаний Худа сандуғи үчүн орун тәйярлап, униң үстидин чедирни яйди. 2 Шу чағда Давут: «Ләвийләрдин башқа һечким Йәһва Пәрвәрдигарниң сандуғини көтәрмәслиги керәк, чүнки уларни Йәһва келишим сандуқни көтирип, Униңға әбәдий хизмәт қилишқа таллиған еди»,— дәп тәкитлиди. 3 Шуниң билән Давут барлиқ исраиллиқларни Йерусалимға, у тәйярлап қойған җайға, Йәһваниң келишим сандуғини йөткәшкә жиғди.
4 Давут Һарун оғуллирини вә ләвийләрни чақирди. 5 Каав оғуллиридин башчи Уриелни вә униң қериндашлиридин 120 адәмни, 6 Мерари оғуллиридин башчи Асаяни вә униң қериндашлиридин 220 кишини, 7 Гирсон оғуллиридин башчиси Йоелни вә униң қериндашлиридин 130 адәмни, 8 Елисапан оғуллиридин башчиси Шемаяни вә қериндашлиридин 200 адәмни, 9 Һиброн оғуллиридин башчиси Елиилни вә қериндашлиридин 80 кишини, 10 Узиил оғуллиридин башчиси Аминадабни вә қериндашлиридин 112 адәмни чақирди. 11 Давут роһанийлар Садок билән Абиятарни, ләвийләрдин Уриел, Асая, Йоел, Шемая, Елиил вә Аминадабни чақиртти. 12 У уларға: «Ләвийләр әвлатлириниң башчилири, өзәңлар һәм қериндашлириңлар муқәддәслинип, Исраил Худаси Йәһваниң сандуғини мән тәйярлап қойған орунға йөткәветиңлар. 13 Биз Тәңримиз Йәһвани лазим болғандәк издимигинимиз сәвәвидин, силәр авал буни қилмиғиниңлар үчүн, У бизни җазалиди»,— деди. 14 Шуниң билән Исраил Худаси Йәһваниң келишим сандуғини йөткәш үчүн роһанийлар һәм ләвийләр пакланди.
15 Йәһваниң сөзи бойичә, Муса вәсийәт қилғандәк, ләвийләрниң оғуллири мүрилиригә хадиларни артип маңди. 16 Шундақла Давут ләвийләрниң башчилириға қериндашлирини, сазәндиләрни һәм нахшичиларни саз әсваплири, чилтарлар, думбақлар һәм нәйләр билән қоюшни буйриди. Улар жуқури авазда шатлиқни ипадилиши лазим еди.
17 Ләвийләр Йоелниң оғли Һеманни вә қериндашлиридин Бәрәкияниң оғли Асафни вә қериндашлири Мерариниң оғуллиридин Кушаяниң оғли Етанни тизди. 18 Улар билән иккинчи топта Зәкәрия, Бен, Йаазиил, Шимирамот, Йихиел, Унни, Елиаб, Беная, Маасея, Мәттатия, Елитлеуй, Микней, Овед-Едом, Йииел — дәрвазичилар. 19 Күйчиләр Һеман, Асаф вә Етан мис думбақларда ойниди. 20 Зәкәрия, Азиил, Шимирамот, Йихиел, Унни, Елиаб, Маасея вә Беная тарлиқ әсвапларда аламот услуби бойичә саз чалди.
21 Мәттатия, Елитлеуй, Микней, Овед-Едом, Йииел вә Азазия сәккизтарлиқ әсвапларда шеминит услубида киришни ойниди. 22 Ләвийләрниң башлиғи Хенания сандуқни көтиришни назәрәт қилди вә әқиллиқ киши болушидин, уни қандақ көтүрүп меңишқа лайиқ көрсәтмиләрни берәтти. 23 Бәрәкия билән Әлқана келишим сандуғиниң күзитигә қоюлди. 24 Шебания, Йәһошафат, Натанаил, Амасай, Зәкәрия, Беная вә Елиезер, роһанийлар, һәқиқий Худаниң сандуғи алдида меңип, карнәйләрни челишти. Овед-Едом вә Йехия келишим сандуғиниң күзитидә болди.
25 Шундақ қилип, Давут вә Исраилниң ақсақаллири миңбешилири билән Овед-Едомниң өйидин Йәһваниң келишим сандуғини йөткәшкә шат-хорам барди. 26 Йәһва Униң келишим сандуғини көтәргән ләвийләргә ярдәм көрсәткинидә, йәттә буқа вә йәттә қойни қурбанлиққа әкәлди. 27 Давут өзи зиғир кийимгә кийилгән еди вә сандуқни елип маңған барлиқ ләвийләр: нахша-саз қилғанлар вә сандуқниң дурус елип меңишини назарәт қилған Хенания зиғир кийимдә еди. Униңдин ташқири, Давутта зиғир ефод кийилгән еди. 28 Барлиқ исраиллиқлар Йәһваниң аян сандуғини хошал вақиришип, мүңгүзниң вә карнәйниң авази астида, тарлиқ әсвапларда ойнап вә дап-думбақларни уруп, узитип маңди.
29 Йәһваниң келишим сандуғи Давутниң шәһиригә кәлгәндә, Саулниң қизи Микал деризидин қаравататти. У Давут падишаниң сәкрәп, хошал уссул ойнаватқинини көрүп, уни көңлидә пәсәйтти.