Зәбур
33 Йәһваниң алдида, һәққанийлар, шат-шадиман
Үндәңлар, чүнки растчиллар Уни махтисун.
2 Йәһваға миннәтдарлиғиңларни чилтарларда
Ейтиңлар, Униңға онтарлиқ әсвапта ойнаңлар.
3 Униңға йеңи нахша ейтиңлар,
Һәммиңлар уйғун шатлиқта,
4 Сәвәви, Йәһваниң сөзи садиқтур,
Униң һәрхил иши тоғридур.
5 У һәқиқәт вә адиллиқни сөйиду.
Йәһваниң изгүлигигә йәр толди.
6 Йәһваниң сөзи билән асманлар яритилған
Вә Униң еғизиниң роһи билән
Әршниң барлиқ мәвҗудати.
7 Деңиз сулирини У бир җайға жиғди
Вә һаңларни қоймилардәк қойди.
8 Йәһваниң алдида пүткүл зимин титрисун вә
Униң алдида йәрдә яшиғучилар қорқсун.
9 У ейтти — һәммә нәрсә қилинди,
У буйриди — һәммә пәйда болди.
10 Йәһва Худа бутпәрәсләрниң нийәтлирини
Ғулитип, хәлиқләр реҗилирини вәйран қилди.
11 Йәһваниң нийити чиң вә бақий,
Униң ойлири әвлаттин-әвлатқа.
12 Йәһва Илаһниң хәлқи бәхитликтур вә У Өзигә
Мирасқа таллиған қәбилә нәқәдәр тәләйлик!
13 Йәһва қарап туриду,
У инсанларни байқаватиду.
14 Маканидики тәхтидә олтирип,
Йәрдә яшиғучиларға сәп селиватиду.
15 У уларниң жүрәклирини шәкилләватиду,
Инсанийәтниң ишлирини көрүп, чөкүватиду.
16 Шаһни зор қошуни қутқузмайду,
Қувәтликни униң мол қудрити.
17 Атму алдамчи ниҗаттур, қанчә
Күчлүк болсиму, қутулдурмайду.
18 Мана, Йәһваниң көзи Униңдин қорққанларға
Вә Униң шәпқитини күткәнләргә тикилди.
19 У уларни өлүмдин қутқузиду вә
Ачарчилиқ вақтида уларни бақиду.
20 Җанлиримиз Йәһваға қарақлиқ,
У Ярдимимиз һәм Қалқинимиз.
21 Униңда қәлбимиз хошал болиду, чүнки
Униң муқәддәс исмиға биз етиқат бағлидуқ.
22 Йәһва, Сениң улуқ муһәббитиң үстимиздә
Болғай, чүнки биз Сени тақәтсиз күтимиз!