Зәбур

Асавниң нахшиси.

79 Худайим! Бутпәрәсләр мирасиңға һуҗум қилди,

Улар Сениң муқәддәс өйүңни напаклаштуруп,

Йерусалимни харапқа айландурди.

 2 Улар хизмәткарлириңниң җәсәтлирини асман

Қушлириға, муқәддәслириңниң

Тәнлирини һайванға беривәтти.

 3 Уларниң қенини судәк төкти, Йерусалим әтрапида

Дәпин қилидиған бирму киши қалмиди.

 4 Биз хошниларниң нәзәридә тамашиға

Айландуқ, бизни көргәнләр қарғап,

Шәрмәндә қиливатиду.

 5 Қай ваққичә Йәһва, Сән аччиқлинисән?

Наһәтки қәһриң гоя тохтимайдиған

Өрттәк бизгә лавулдайду?

 6 Ғәзивиңни Сени тонумайдиған хәлиқләргә төккинә,

Сениң исмиңни чақирмайдиған, билгүси

Кәлмәйдиған шаһлиқларға аччиғиңни қаратқина.

 7 Чүнки улар Яқупни йәвәтти һәм

Униң йерини вәйран қилди.

 8 Бизниң авалқи қилмишлиримизни есиңға алмиғина,

Лекин бизгә Шәпқитиң, вапалиғиңни көрсәткинә,

Чүнки биз бәк аҗизлаштуқ.

 9 Тәңримиз, бизниң Қутқузғучимиз, ярдәм бәргинә,

Өзәңниң муқәддәс Исмиңниң шәрипи үчүн

Бизни, гуна-әйиплиримиздин тазилиғина.

 10 Бутпәрәсләрниң: «Буларниң Худайи

Қени?»— дейишигә нечүн йол қойисән?

Уларниң көзичә Өз Қуллириңниң төкүлгән

Қени үчүн адавитиң намайиш болғай.

 11 Йүзүң алдиға мәһбусларниң уһ тартишлири

Кәлсун. Булҗуңлириңниң қудрити түпәйли

Өлүмгә мәһкүмләрниң җени сақлансун.

 12 Әй Йәһва, хошнилиримизға шәрмәндә үчүн

Йәттә рәт қайтурғина, чүнки

Улар Сән, Рәббимиз, үстидин күлди!

 13 Биз болсақ, Сениң хәлқиң һәм Сениң яйлиғиңниң

Қойлири, Сени мәңгү шәрәпләймиз.

Әвлатлар бойи Саңа мәдһийә ейтимиз!