Зәбур
Хор башчисиға. «Лалиләр» аһаңиға.
Әсләтмигә. Асавниң күйи.
80 Исраил Падичиси бизни аңлиғина! Йүсүпниң
Оғуллирини қойлардәк бақидиған Худа,
Сән хурабинларда олтарғучи, парлиғина!
2 Өз қудритиңни Әпрайим, Бениамин вә
Манасәгә көрсәткинә, келип, бизни
Қувитиң билән қутқузғина.
3 Илаһимиз, бизни тиклигинә, яңливаштин қобул
Қилип, ниҗатиңни һәдийә қилғина.
4 Йәһва, әскәрләрниң Сәрдари, қай ваққичә
Сән хәлқиңниң дуалирини
Аңлисаңму, рәнҗийсәң?
5 Сән бизни нанға тойғузғандәк, жиғиға тойғузуп,
Үч һәссә артуқ яшларни ичкүзиватисән.
6 Бизни қаршилашқучилиримиз үчүн маҗра затқа
Охшаттиң. Улар өзара бизни бөлүватиду.
7 Қошунлар Сәркиси! Бизни қобул қилип, йүзүң
Бизгә парлисунчу. Шунда биз ниҗат тапимиз.
8 Мисирдин үзүм бәргисини йөткәп,
Хәлиқләрни қоғлап, уни олтарғуздиң.
9 Униң үчүн орун тәйярлидиң,
У йилтиз тартип, шу йәрни алди.
10 Тағлар униң сайисида болди вә
Худа кедрлири бәргилиридәк болди.
11 Үзүмзарлиқниң бәргилири деңизғичә
Йәтти вә шахлири Фират дәриясиғичә.
12 Немишкә Сән униң ташлиқ қашалирини
Бузувәттиң? Униң йенида өткән барлиғи
Жулуши үчүнму?
13 Җаңгал қаванлири уни ғаҗилайду
Вә дала һайвини уни йәватиду.
14 Әскәрләр Сәрдари, қайтқина, әрштин байқап,
Ушбу үзүмзарлиқни бир зиярәт қилғина.
15 Ушбу өсүмлүкни Сениң оң қолуң олтарғузған еди
Вә Өзәң үчүн өстүргән оғлуңға диққәт ағдурғин!
16 Мәзкүр үзүм ғоли чепилип көйдүрүлди,
Сениң сүрлүк, ғәзәп қаришиңдин у қаза болди.
17 Оң қолуңниң ипадиси болған әрни қоллиғина,
Өзәңниң шәнигә мустәһкәмләп тәйярлиған инсан
Оғлуңни бәрикәтлигинә!
18 Шунда биз Сәндин чекинмәсмиз, бизни
Тирилдүргинә һәм биз
Сениң исмиңни чақиримиз.
19 Йәһва, Қошунларниң Сәркиси! Бизни қайта
Өзәңгә йеқинлатқина, йүзүң бизгә меһир-шәпқәт
Билән қарисун вә бизни қутқузғина!