Йәшая
3 Мана, һәқиқий Пәрвәрдигар, әскәрләр Сәрдари
Йәһва Йерусалимниң һәм Йәһуданиң
Һасатайиғини вә һәрқайси таянчисини
Тартивалиду. Улар нан-судин алидиған
Мәдәт күчини йоқитиду,
2 Җасур сәркиси билән ләшкирини, сотчи билән
Пәйғәмбирини, вәлийләр билән ақсақалларни,
3 Әлликбеши билән әмәлдарни, мәслиһәтчи билән
Маһир рәссамни вә сөздә уста устазни.
4 Мән уларниң үстидин башчи қилип, яшларни
Қойимән вә өсмүрләр уларниң үстидин
Һөкүмранлиқ қилидиған болиду.
5 Хәлиқ езилишта боп, пухра пухрани
Тәқипләйду. Яш жигит һакавурларчә
Қерини һақарәтләйду вә аддий саватсиз киши
Мәшһурларни көзгә илмайду.
6 Ушбу вақитта адәм атисиниң өйидә олтарған
Йеқинини тутуп: «Сениңда йепинча бар, шуңа
Бизниң башчимиз болғин вә мону харабилар
Қол астиңда болсун»,— дәп өтүниду.
7 Бирақ әву киши рәт қилип: «Мән җәмийәтниң
Җараһәтлирини бағлалмаймән, мениң өйүмдә
Йә нан, йә кийим йоқ. Шуңа мени хәлиқниң
Башчиси қилмаңлар»,— дәп унумайду.
8 Шуңдақ қилип, Йерусалим путлашти вә Йәһудия
Жиқилди, сәвәви, уларниң сөзлири билән
Ишлири Йәһваға қарши чиқип,
Униң шан-шәрипигә лайиқ болмиди.
9 Үзлириниң ипадиси уларни паш қилиду вә улар
Садомлуқлардәк әйиплирини йошурушқиму
Тиришмайду. Һалиға вай! Улар яманлиғи
Үчүн өзлиригә яманлиқ кәлтүрүватиду.
10 Һәққанийға униң бәрикәтлиниши тоғрилиқ
Ейтиңлар! Чүнки һәрким иш-пааллириниң
Мевилирини йейиши керәк.
11 Бәхитсиз беқанунниң һалиға вай!
Чүнки униң ишлири үчүн интиқам елиниду.
12 Хәлқимниң башчилири — яшлар берәһим вә
Аяллар униң үстидин һөкүмранлиқ қилмақта.
Хәлқим, сениң бәглириң сени адаштуруп,
Тәнтирәклитип қойди.
13 Йәһва сот үчүн турди вә хәлиқләргә
Һөкүм чиқиришқа тәйяр.
14 Йәһва Өз хәлқиниң ақсақаллири һәм бәглирини
Сотлайду. «Силәр мошу үзүмзарлиқни
Чөлдәрәттиңлар. Гадайлардин тартивалған
Нәрсиләр силәрниң өйүңларда.
15 Силәр немишкә хәлқимни қийнап, кәмбәғәлни
Берәһим езиватисиләр?»— дәйду
Әскәрләр Сәрдари Йәһва Илаһим.
16 Йәһва йәнә: «Сионниң қизлири тәкәббур.
Бойнини узун созуп, бешини егиз көтирип,
Көзлирини ойнитип, найнақлап маңиду.
Путлиридики биләйүзүклири билән
Җириңлитип маңғини үчүн,
17 Йәһва Сион қизлириниң бешидики
Чачлирини қирип чүширип,
Йәһва уларни таз қилиду.
18 Шу күни Йәһва уларниң чирайлиқ пут
Зәнҗирлирини, башқа тақайдиған юлтуз һәм
Йерим ай зебу-зенәтлирини тартивалиду:
19 Һалқилирини, биләйүзүклирини, ромаллирини,
20 Баш кийимлири, бәлбағлири, әтирләр
Қачилирини вә һәрқандақ тумарлирини,
21 Қол үзүклирини вә бурун һалқилирини,
22 Ташқи һәм ички кийимлирини, йепинчиларни,
Кәмзәлләрни вә һәрхил қапчуқларни,
23 Әйнәкләрни вә зиғир кийимлирини,
Тюрбанларни һәм рәңму-рәң яғлиқлирини.
24 Хушпурақ мәлһәм йеғи орнида сесиқпурақлиқ
Жириң, бәлбағ орнида арқан,
Чирайлиқ ясалған чач орнида тақирбаш
Вә гөзәл кийим орнида мишкап,
Гөзәл түри орнида қул тамғиси болиду.
25 Сениң кишилириң қиличтин өлиду вә
Қәйсәр әскәрлириң җәңләрдә ятиду.
26 Пайтәхтниң дәрвазилири уһ тартип, жиғлайду.
Сион қизи ташлинип, йәр тописида
Ялғуз олтирип қалиду.