Зәбур

Хор башчисиға. «Әсләтмә лалиси» навасиға.

Давутниң тәлим үчүн күйи.

У Месопотамия Сирияси вә Сова-Арам билән урушқан вақтида вә

Йоабниң Туз вадисида 12 000 едумлуқни қириветип, қайтқан вақтида.

60 Һәй, Худа, бизгә нәпрәтлинип, чечивәттиңғу,

Сәтлиримизни бузуп, ғәзәпләндиңғу.

Бизни тиклигинә!

 2 Йәрни силкип, гумран қилдиң.

У титригәндә йочуқлирини қошқина.

 3 Сән Өз хәлқиңгә қаттиқ җаза бәрдиң.

Мәс қилидиған шарапни ичкүздиң.

 4 Сәндин қорқудиғанларға туғ көтәр:

Улар оқ-ядин аман қалсун. (Селаһ)

 5 Сән яхши көргәнләр қутулсун.

Оң қолуң билән уларни қутқузғина.

 6 Рәббимиз Өз муқәддәсханисидин мундақ деди:

«Тәнтәнә қазинимән, Шекәмни бөлимән вә

Суккот вадисини өлчәп чиқимән.

 7 Гилиад Мениң һәм Манасәму,

Әпрайим — бешимниң қорғини,

Йәһуда — Мениң һасатайиғим.

 8 Моаб — жуюнидиған чилапчам.

Едумға өтүгимни ташлаймән.

Филистийәгә ғалибанә вақираймән!»

 9 Ким мустәһкәм шәһәргә апириду?

Ким мени Едумға әкириду?

 10 Бизни рәт қилған Тәңрим — Сән әмәсму?

Сән, Пәрвәрдигарим, қошунлириң, биз билән

Сәпәрләргә зади чиқмайдиған болдуңғу.

 11 Қистаңлиғимизда ярдәм бәргинә, чүнки

Адәмдин келидиған һимайә бекардин-бекар.

 12 Худаға бенаән биз күчлүктур.

У Өзи дүшмәнлиримизни аяқ-астин қилиду!