Вәһий
15 Мән асманда бүйүк вә мөҗүзилик башқа һадисини — йәттә җараһәт билән йәттә пәриштини көрдүм. Мәзкүр апәтләр ахирқилири, чүнки улар билән Худаниң ғәзиви аяқлишиду.
2 Мән от билән арилашқан әйнәк деңизға охшиған бир нәрсини һәм жиртқуч һайванниң үстидин, униң тәсвириниң вә униң исминиң сани үстидин ғалип қазанғанларни көрдүм. Улар Худаниң чилтарлирини қолида тутуп, әйнәк деңизниң йенида туратти. 3 Худаниң қули Мусаниң нахшисини вә Қозиниң нахшисини орунлавататти:
«Һәммигә Қадир Йәһва Худа, бүйүк вә әҗайиптур Сениң ишлириң! Мәңгүлүкниң Падишаси, Сениң йоллириң һәққаний вә тоғридур. 4 Йәһва, ким Сениңдин қорқмайду һәм Сениң исмиңни мәдһийилимәйду? Чүнки пәқәт ялғуз Сән Өз хәлқиңгә вапалиқсән! Барлиқ хәлиқләр Сениң алдиңға келип, Саңа ибадәт қилиду, чүнки әмир-пәрманлириңниң һәққанийлиғини чүшиниду».
5 Андин кейин мән асманда гувалиқ чедириниң муқәддәс җайи ечилғинини көрдүм. 6 Шу муқәддәс җайдин таза вә пақирайдиған зиғирға кийингән вә көкрәклиригичә кәң алтун бәлбағ билән оралған йәттә пәриштә йәттә ярини елип чиқти. 7 Төрт тирик мәхлуқниң бири әбәттин-әбәт яшайдиған Худаниң ғәзивигә толған йәттә алтун қачини йәттә пәриштигә бәрди. 8 Шу чағда һәрәм Худаниң шөһрити билән күч-қудритидин исқа толди вә йәттә пәриштиниң йәттә апити аяқлашмиғичә, һечким муқәддәс җайға кирәлмәтти.