Аюп
18 Шувахлиқ Билдад җавап қайтурди:
2 «Қачаңғичә ушбу гәпни тиңшаймиз?
Һәммәйлән ой жүгәртип,
андин сөһбәт қурайли.
3 Немә үчүн биз тилсиз
һайванларға тәңлишип,
Өз көзүмиздә пәсийишимиз керәк?
4 Сән өз җениңни җаһиллиқ
билән жулуватқан киши,
Һәҗәва, сән үчүн зимин унтулуп,
Ғарташ орнидин қозғилиши лазимму?
5 Һәқиқәтән, рәзилләрниң нури өчиду
Вә отиниң ялқуни йоруқ болмайду.
6 Чедирида чириғи начарлашмақта,
Униң йоруғи аран пилдирлимақта.
7 Униң тимән қәдәмлири бошап,
Әқли уни жиқитиду.
8 Чүнки аяқлири торға апириду
Вә у қапқанлар үстидә маңиду.
9 Тапини чирмаққа илинди,
Ағамча уни тутти.
10 Униң үчүн торлар йейилмақта,
Қармақ йошурун униң йолида.
11 Һәр тәрәптин қорқитип,
Униң изидин қоғлимақта.
12 Ачарчилиқтин күчи йоқап,
Һалакәт униң биқинида күтмәктә.
13 Тән әзалирини өлүмниң тунҗа қизи,
өлүм қурути ғаҗилап,
У униң бәдинини йемәктә.
14 Арзуси чедиридин елинип,
Өзи дәһшәт шаһиға чүширилиду.
15 Әнди униң әмәс маканида
башқилар орунлашти,
Униң орниға гунгут төкүлди.
16 Астидин йилтизлири қуруп,
Жуқуридин шахлири солди.
17 Йәрдин хатириси йоқап,
Униң исми мәйдандин кәтти.
18 Йоруқ дуниядин қараңғулуққа
Аләмдин уни қоғлап чиқиду.
19 Униң йә оғли, йә нәвриси
хәлқидә болмиғанлиқтин,
Һечким мирасида қалмайду.
20 Униң ахирқи күнини аңлап,
Ғәриптики һәм шәриқтикиләр
зил-зил титирәп кетиду.
21 Һә, қанунсиз макани әшундақтур.
Вә Худани тонумиғанниң орни мошундақ болиду!»