Вәз
6 Мән ушбу қуяшниң астида йәнә бир бәхитсизликни көрдүм. 2 Бәзибир адәмгә Худа байлиқ, мал-мүлүк һәм шәрәп беридикән, у неминила халиса, униңда һечбир йетишмәслик йоқ. Лекин Тәңри униңға бар нәрсә билән пайдилинишқа имкан бәрмәйду, амма буниң һәммиси билән ят адәм пайдилиниду. Мана, қандақ аваричилиқ вә зор бәхитсизлик мәвҗут. 3 Әгәр бир кишиниң 100 пәрзәнди болса вә у узақ өмүр көрүп қериса, лекин у һаятида яхшилиқ көрмисә вә бар нәрсисидин һөзүр-һалавәткә тоймай, гөргә чүшсә, у чағда туғулмиған чүшүк униңдин бәхитлигирәк екән, дәттим. 4 Чүнки мундақ бовақ бекарға бу дунияға келип, қараңғулуқта өлди һәм униң исминиму зулмәт япти. 5 Гәрчә у күнниң йоруғини көрмәй кәтсиму, һелиқи адәмдин қариғанда, униңға яхширақ. 6 Һелиқи киши һәтта 2000 жил яшиған болсиму, лекин раһәт көрмигән болса, унда немә пайда? Һәммиси бәрибир бир җайға бармамду?
7 Инсан балисиниң барлиқ әмгиги униң ағзи-қарни үчүндур, лекин у бу хаһишини бәзи вақитларда пүтүнләй қанаәтләндүрәлмәйду. 8 Данишмәнниң надан алдида қандақ әвзәллиги бар? Вә қийинчилиқларни йеңишни билидиған кәмбәғәлниң башқилири үстидин қандақ артуқчилиғи бар? 9 Көзүң көрүдиған нәрсиләрдин һалавәт тепиш хам хиял сүрүштин һәм уларни қоғлаштин яхширақ. Буму пайпетәкчилик вә шамал қоғлаш.
10 Моҗут һәммәйләнгә намлар берилип болди вә инсанниң немә екәнлиги мәлум. У униңдин қудрәтлик билән талаш-тартиш қилалмайду. 11 Затларниң сани көпәйгәнсири пайпетәкчилик күчийиду: буниңдин инсан үчүн немә нәп-пайда? 12 Ким билиду, адәм үчүн униң өмриниң азирақ пайпетәк күнлиридә немә билән шуғуллиниш керәк, чүнки улар көләңгидәк чапсан өтүп кетиду? Йәнә қошумчә, ким адәм балисиға униңдин кейин ушбу қуяшниң астида немә йүз беридиғинини ейтип берәләйду?