Пәнд-нәсиһәтләр
25 Мана, йәнә Сулайманниң тәмсиллири.
Уларни Йәһудия падишаси Хизқияниң
Хизмәткарлири көчирип бирләштүрди.
2 Худаниң шөһрити шуниңдики,
У Өз сөзини йепиқлиқ тутиду.
Падишаларниң шөһрити — ушбу сөзни
Тәтқиқ қилиш.
3 Асман қанчә егиз вә йәр қанчә чоңқур болғинидәк,
Шундақла падишаларниң қәлбини
Билгили болмас.
4 Күмүчтин қошундилирини айривәт,
Шу чағда у таза болиду.
5 Падиша алдида турған қанунсизни
Қоғла, шундақ һаләттә униң тәхти
Һәққанийлиқта чиң туриду.
6 Падиша йүзи алдида өзәңни чоң тутуп,
Мәшһур-атақлиқларниң орниға турма.
7 Чүнки падиша сени мәшһурлар алдида
Төвәнләткәндин қариғанда, саңа:
«Төригә чиқ!»— десә, шу әвзәл вә шәрәп әкелиду.
8 Сотлишишқа алдирима, болмиса, ахири
Риқабәтчиң сени йеңивалса, немә қилисән?
9 Риқабәтчиң билән ишиңни җөндәшкә тиришқин,
Бирақ башқисиниң сирини ачма.
10 Болмиса, кимла аңлимиса, сени тәңқит
Қилиду вә сениң тоғрилиқ яман
Атақ тарилип кетиду.
11 Күмүч қачилардики алтун алмилар —
Бу өз вақтида ейтилған тоғра сөздур.
12 Алтун үзүк вә сап алтундин мончақ —
Диққәтчан қулақ үчүн бериливатқан
Данишмәнниң нәсиһити һәм мәслиһити.
13 Ома вақтида қар соғиниң салқинидәк,
Әвәткәнләр үчүн садиқ әлчи вә
У өз ғоҗайини үчүн хуштарлиқтур.
14 Қара булутлар вә ямғурсиз шамал —
Бу соға беримән, дәп махтанған, амма
Соға қилмайдиған кишидур.
15 Мүҗәзниң юмшақлиғи билән башлиқниң
Шәпқитигә еришкили болиду вә мулайим
Тил устиханни сундуриду.
16 Һәсәл таптиңму? Уни һаҗәт көләмдә йегин,
Ашуруп йесәң, сиңирәлмәй қусисән.
17 Достуңниң өйигә тола барма, чүнки
У сениңдин тоюп, өч қорүп кәтмисун.
18 Тоқмақ, қилич вә учлуқ оқ-я —
Башқиси үстидин ялған гува бәргүчи!
19 Чеқилған чиш вә асқақ пут —
Ушбуларға охшаштур қилмишкәргә
Апәт күнидә болудиған үмүт.
20 Соғ күндә кийим йәшкән вә сиркини
Содиға қуйған адәмгә охшайду
Хапа жүрәккә хошал нахша ейтқан киши.
21 Әгәр дүшминиң ач болса, униңға нан
Бәр, уссиған болса, су бәргин.
22 Чүнки шундақ қилсаң, қәлбини исситисән вә
Йәһва сени мукапатлайду.
23 Шималий шамал ямғур-йешин әкелиду,
Йошурун ғевәтләр болса, нәпрәтни.
24 Урушқақ аял билән бир өйдә яшаштин көрә,
Өгүзниң бир четидә яшиған әвзәл.
25 Чаңқиған адәм үчүн соғ судәк,
Жирақ йәрдин кәлгән хуш хәвәр.
26 Паскинлашқан қудуқ һәм булақ қәби,
Яман тәсиригә чүшүп қалған һәққаний.
27 Һәсәлни көп йейиш зиян кәлтуриду,
Дәл шуниңдәкла шөһрәтни издәш.
28 Өз роһиға егә болалмайдиған адәм
Сепили бузулған шәһәргә охшаш.