Қанун шәрһи
11 Шуңа Худайиң Йәһвани сөйгин вә У саңа сақлашқа буйриған нәрсини сақлиғин: Униң тохтамлирини, Униң қанун-қаидилирини вә Униң вәсийәтлирини һаятиңниң барлиқ күнлиридә. 2 Силәр Худайиңлар Йәһваниң җазасини, Униң улуқлиғини вә Униң көтирилгән күчлүк қолини яхши билисиләр, чүнки мән билмәйдиған һәм көрмигән оғуллириңлар билән сөзләшмәйватимән. 3 Шуниңдәкла Униң карамәтлири билән Униң Мисирниң падишаси пирәвн вә униң ели билән қилған ишлирини, 4 У Мисирниң әскири, уларниң атлири билән җәң һарвулирини Қизил деңизниң сүйигә чөкүрүп, улар силәрниң кәйниңлардин қоғлап маңғанда Йәһва уларни уҗуқтурди. 5 Шундақла силәр билисиләрки, У силәр үчүн чөлдә мошу йәргә йәткичә немиләрни қилғинини. 6 У шуни қилдики, Датан, Абирам ― Рувимниң нәсли, Елиабниң оғуллирини зимин еғизини ечип, Исраилниң оттурисида уларни вә уларниң аилилирини, чедирлирини вә барлиқ мүлкини жутувәтти. 7 Силәрниң көзүңлар Йәһваниң барлиқ мошу улуқ ишлирини көрди.
8 Шуңа Униң барлиқ, бүгүн мән силәргә җекиләватқан, вәсийәтлирини тирик вә мустәһкәм болушиңлар үчүн сақлаңлар. Һәм берип, Йордандин өтүп, мирасқа бериливатқан зиминни өзәңларға елиңлар. 9 Шундақла Йәһва Рәб атилириңларға вә уларниң нәслигә беримән, дәп вәдилигән сүт билән һәсәл ақидиған йәрдә узақ яшаңлар.
10 Чүнки сән варислиқ қилидиған йәр сән чиққан Мисир йеригә охшимайду: сән уруқ терип, уни су билән, көктатлиқни җапа тартип суғарғандәк, суғираттиң. 11 Амма сән кетиватқан йәр асмандин чүшкән ямғурдин ичиду, тағлар билән вадилири суға мол йәрдур. 12 Бу йәр һәққидә Йәһва Худайиң Өзи ғәмхорлуқ қилмақта. Йәһваниң көзлири дайим униң үстидә, жилниң бешидин айиғичә:
13 «Әгәр силәр Мениң барлиқ вәсийәтлиримни тиңшисаңлар вә Йәһва Пәрвәрдигариңларни яхши көрүп, Униңға пүткүл вуҗудиңлардин хизмәт қилсаңлар, 14 у чағда йериңларға өз вақтида күз вә баһар ямғурлирини беримән һәм сән нениңни, шаравиңни вә мейиңни жиғивалисән. 15 Далада мелиң үчүн кокат беримән, сән озуқлинип тойисән». 16 Пәхәс болуңлар, жүрәклириңлар алдинип, силәр йолдин чиқип, башқа илаһларға хизмәт қилип чоқунуп кәтмәңлар. 17 Болмиса Йәһваниң ғәзиви силәргә йенип, У асманни кишәнләп, ямғур болмайду вә йәр-зимин өз мевилирини әкәлмәйду. Шуниң билән силәр чапсанла Йәһва силәргә бәргән яхши йәрни йоқитип қойисиләр.
18 Демәк, мән бүгүн силәргә ейтиватқан сөзләрни жүригиңларға вә җениңларға селиңлар, уларни бәлгү ретидә қолуңларға бағлавелиңлар вә улар тасма орнида көзүңлар үстидә есиқлиқ турсун. 19 Шундақла уларни оғуллириңларға өйдә олтарғанда, йолда маңғанда вә йетип-турғанда үгитиңлар. 20 Уларни өй ишигиңниң ян яғачлирида вә дәрвазилириңда йезип қойғин. 21 Сәвәви, асман йәрниң үстидә қанчә күн турған болса, сениңму вә пәрзәнтлириңниң күнлириму Йәһва Тәңриң бериватқан йәрдә шунчә узақ болсун.
22 Сәвәви, әгәр силәр бу вәсийәтләрниң һәммисини орунлап, Яратқучиңлар Йәһваға меһир-муһәббәт бағлап, Униң барлиқ йоллири билән меңип, Униңға чаплашсаңлар, 23 шу һаләттә Йәһва барлиқ бу хәлиқләрни сениңдин қоғлап чиқирип, силәр өзәңлардин күчлүк хәлиқләрни егиләйсиләр. 24 Путуңлар басқан һәрбир җай силәрниңки болиду: чөлдин һәм Ливандин вә бүйүк дәрия Фираттин башлап, һәтта ғәрбий деңизғичә силәрниң чегараңлар болиду. 25 Силәрниң алдиңларда һечким туралмайду: Йәһва Худайиңлар силәрдин қорқунучни вә әтийәт қилишни барлиқ җайға әвәтиду.
26 Мана, мән силәргә бүгүн бәрикәт билән ләнәтни тәклип қилимән. 27 Әгәр бүгүн мән силәргә вәсийәт қилған Худайиңлар Йәһваниң әмирлиригә қулақ салсаңлар, бәрикәт болиду. 28 Әгәр мән силәргә бүгүн вәсийәт қиливатқан Худайиңлар Йәһваниң әмирлирини тиңшимай, қиңғир кәтсәңләр вә силәр билмигән илаһларни әгәшсәңлар, ләнәт болиду.
29 Рәббиң Йәһва мирасқа беридиған йәргә әкиргәндә, шу вақитта Гаризим теғида бәрикәтләрни ейтқин, Гевал теғида ләнәт оқуғин. 30 Мана, улар Йордандин кейин, ғәрип тәрәптә, Мамре йоған дәрәқләрниң йенида, Галгалға қарши түзләңликтә, йәни қананлиқлар яшаватқан йәрдә. 31 Чүнки силәр Йордандин өтүп, Худайиңлар Йәһва силәргә мәңгүгә бериватқан йәрни мирасқа елишқа йеқинлаштиңлар. 32 Шу вақитта барлиқ тохтамларға вә мән силәргә бүгүн тәклип қиливатқан қанунларға әмәл қилишқа тиришиңлар.