Йәшуа
23 Йәһва Исраилни һәммә тәрәптин барлиқ дүшмәнлиридин тиничландурғандин хелә көп вақит өткәндин кейин Йәшуа қерип, яшанған яшларда еди. 2 Йәшуа Исраил оғуллириниң ақсақаллирини, сотчилирини вә назарәтчилирини чақирип, уларға мону сөзләрни қилди: «Мән қеридим, яшанған дәвримгә кәлдим. 3 Силәр Худайиңлар Йәһва көз алдиңларда барлиқ мошу хәлиқләр билән немә қилғинини көрдиңлар, чүнки Йәһва Рәб силәр үчүн күрәшти. 4 Мана, мән силәргә мошу хәлиқләрниң мүлкини чәк бойичә бөлүп бәрдим. Мән уларни Йордандин тартип Улуқ деңизғичә, у ғәрип тәрәптә, қирип ташлидим. 5 Йәһва Худайиңлар ейтқинидәк, таки силәр уларниң йерини мирасқа елип болмиғичә, Йәһва Пәрвәрдигариңлар Өзи уларни силәрдин қоғлап қириветиду.
6 Шуңа Муса қануни китавидики барлиқ йезилған нәрсигә, униңдин оңға яки солға бурулуп кәтмәй, топ-тоғра сақлап, әмәл қилиңлар. 7 Араңларда қелип қалған ушбу хәлиқләр билән арилашмаңлар. Уларниң худалириниң исимлирини атимаңлар, улар билән қәсәм ичмәңлар вә уларға хизмәт етип ибадәт қилмаңлар. 8 Амма Яратқучи Йәһваға һазирқидәк чаплишиңлар. 9 Йәһва силәрдин бүйүк һәм күчлүк хәлиқләрни қоғлавәтти, силәрниң алдиңларда бу күнгичә һәчким туралмиди. 10 Араңлардин бири миңни қоғлаватиду, чүнки Йәһва Тәңриңлар, Өзи ейтқинидәк, силәр үчүн җәң қиливатиду. 11 Шу сәвәптин тиришип Худайиңлар Йәһвани сөйүңлар.
12 Әгәр силәр бәт бурап, араңларда қалған хәлиқләргә чаплишип, улар билән туққанчилиқ қилип, уларға берип һәм улар силәргә кәлсә, 13 у вақитта билиңларки, Худайиңлар Йәһва силәрдин мәзкүр хәлиқләрни қоғлимайду, лекин улар силәр үчүн қармақ билән тор болиду, таки силәр Худайиңлар Йәһва бәргән ушбу яхши зиминни жүтирип қойғичә улар дүмбәңлар үчүн қамча вә көзүңлар үчүн тикән болиду.
14 Мана, мән әнди пүткүл адәмзатниң йоли билән кетиватимән. Пүткүл жүригиңлар, пүткүл җениңлар билән шуни билиңларки, Йәһва Худайиңларниң силәр тоғрисида ейтқан һечбир яхши сөзи нурғунлиған яхши сөзләр қатарида орунланмай қалмиди. Һәммә нәрсә силәр үчүн орунланди, һечбир сөз әмәлсиз болмиди. 15 Амма үстүңлардин барлиқ яхши сөзләр орунланғандәк, шундақла Худайиңлар Йәһва һәрбир яман сөзниму орунлайду. Йәһва силәргә тәғдим қилған мошу мунбәт йәрдин силәрни қиривәткичә, Йәһва Рәббиңлар үстүңлардин һәрбир ейтқан яман сөзиму орунлиниду. 16 Әгәр Яратқучиңлар Йәһваниң силәр билән түзгән келишимини бузсаңлар, башқа илаһларға берип, хизмәт қилип чоқунсаңлар, Йәһваниң ғәзиви силәргә қайнап, ушбу яхши йәрни жүтирисиләр».