Күйләрниң күйи

8 Әгәр сән мениң анам емиткән акамға

Охшаш болсаңди, у чағда талада

Сени тепивелип, мән сени сөйәттим!

Һечким мени һөкүм қилматти.

 2 Мән сени өзәм билән әкелип, анамниң

Өйигә әкирәттим. Сән мени үгитәттиң

Һәм мән сени анар ширини, хушпурақ

Шарап билән меһман қилаттим.

 3 Сениң сол қолуң бешим астида болуп,

Оң қолуң мени қучағлатти.

 4 Йерусалим қизлири, қәсәм ичиңларки,

Силәр мәндә муһәббәтни өзи

Ойғанмиғичә, уни охатмайсиләр».

 5 «Бу ким, өз ашиғиға йөлинип, чөл-баяван

Тәрипидин келиватиду?»

«Алма дәриғи астида мән сени охаттим.

Шу җайда сениң анаң туғут азаплиридин

Қийнилип, сени туққан еди.

 6 Мени жүригиңгә мөһүрдәк қойғин,

Қолуңға тамға-үзүктәк салғин,

Чүнки муһәббәт өлүмдәк күчлүк, униң

Көйүги гөрдәк қаттиқ вә униң оқлири

Йәһниң отидәк лавулдиған ялқундур.

 7 Һөкүригән зор сулар муһәббәтни

Өчүрәлмәйду вә йоған дәриялар униңға

Су чачалмайду. Әгәр бирси муһәббәт

Үчүн барлиқ байлиғини бәрсә, уни

Мәсхирилиқ, нәпрәт билән рәт қилиду».

 8 «Бизниң кичиккинә сиңлимиз бар вә

Униң һәтта көксилириму йоқ.

Биз сиңлимиз үчүн, униңға әлчи

Киргән күни, немә қилип берәләймиз?»

 9 «Әгәр у там болған болса, биз униңда

Күмүчтин мунар қуруп беримиз.

Әгәр у ишик болса, биз уни кедр

Яғачлири билән қаплаймиз».

 10 «Мән — сепил там вә көксилирим

Мунарлардәк. Шундақ қилип, мән униң

Көзидә арам-хатирҗәмлик тапқан болдум.

 11 Сулайманниң Баал-Хамонда үзүмзарлиғи

Моҗут, у уни күзәтчиләргә тапшурди.

Уларниң һәрқайси униң мевилири үчүн

Униңға 1000 шекәлдин күмүч төләйду.

 12 Саңа, Сулайман, 1000 шекәл тегиш,

200 шекәл болса — деханларға аит.

Мән өзәмниң үзүмзарлиғи бар,

У пәқәт маңа мәнсүптур!»

 13 «Бағларниң гөзәл турғун қизи!

Достлириң авазиңни аңлашни халайду.

Маңиму уни аңлашқа пурсәт бәргин».

 14 «Сөйүмлүгим, чапсан алдириғин,

Җәрәндәк учқин яки яш буғидәк

Хушпурақ тағларда тез жүгригин!»