Зәбур
116 Хошалмәнки, чүнки Йәһва дуалиқ
Авазимни, ярдәм һәққидә өтүнгән
Мениң илтиҗалиримни аңлиди.
2 У қулиғини селип, маңа иңишти.
Шуңа тирикла болсам, Униңға һәр
Вақитта мураҗиәт қилимән.
3 Мени өлүм ағамчилири бағлиди вә
Гөр азаплири тутқунға алди.
Мән қайғу-һәсрәткә чөктүм.
4 Бирақ мән Йәһваниң исмини чақирдим:
«Йәһва Атам, җенимни қутулдурғина!»
5 Йәһва интайин һисдашлиқ һәм
Һәққаний, Худайимиз бәкму рәһимдил.
6 Йәһва саддиларни сақлайду. Мән
Аҗизлашқанда, У мени қутқузди.
7 Җеним, яңливаштин арамиңға қайт,
Чүнки Йәһва саңа меһривандур!
8 Сән мени өлүмдин айривалдиң һәм
Көзүмдики яшларни сүрттиң,
Айиғимни путлишиштин күзәттиң.
9 Мән Йәһваниң йүзи алдида тирикләр
Йеридә яшап, Униңға хизмәт қилимән.
10 Мән ишәнгәчкә сөзлидим, гәрчә мән
Қаттиқ азапланған болсамму.
11 Вәһимигә чүшкәндә: «Һәрқандақ
Киши алдамчидур»,— дедим.
12 Йәһва Рәббимгә маңа қилған барлиқ
Яхшилиқлири үчүн немә қайтуримән?
13 Қутқузулуш қачисини алимән вә
Йәһваниң улуқ исмини чақиримән.
14 Йәһваға бәргән барлиқ вәдилиримни
Униң хәлқи алдида орунлаймән.
15 Йәһваниң көзидә муқәддәслириниң
Вапати бәк қәдирликтур.
16 Аһ, Йәһва! Мән Сениң қулуң вә
Қулуңниң оғли — Сениң хизмәткариң.
Мени кишәнлиримдин азат қилдиң.
17 Апирин қурбанлиғини Саңа әкелимән
Һәм Йәһваниң исмини чақиримән.
18 Йәһваға бәргән қәсәмлиримни
Униң Хәлқи алдида әмәлгә ашуримән.
19 Пәрвәрдигар Йәһва ибадәтханисиниң
Һойлисида, Йерусалимниң оттурисида
Йәһни мәдһийиләймән!