Йәшая
63 Ким Әву, Едумдин қениқ-қизил
Кийимләрдә, Бозрадин келиватиду?
У Ким, һашамәтлик тонға кийинип,
Әҗайип күчи билән маңмақта?
«Бу Мән — һәқиқәтни ейтидиған
Вә қутқузушқа қабилийитим бармән».
2 Немишкә кийимиң қеп-қизил, үзүмни
Искәнҗидә чәйлигән кишидәк?
3 «Мән ялғуз искәнҗидә үзүмни чәйлидим
Вә Мениң билән инсанлардин һечким
Болмиди. Ғәзивимдә Мән дүшмәнлиримни
Миҗип, қәһримдә уларни янчидим.
Уларниң қени кийимлиримгә чачрап,
Тонимниң барлиғи қанға миләнди.
4 Шундақ! Қәлбимдә өч елиш күнини
Бәлгүлидим вә Мениң хәлқимни
Қутулдуридиған вақит кәлди.
5 Қарисам, һечбир ярдәмчим болмиди.
Мән һәйран қалдим, чүнки һечким
Мени қоллимиди. Өз қолум билән Мән
Ғалибийәт қазандим вә Өз қәһрим
Маңа қоллаш қувәт бәрди.
6 Ғәзивимдә Мән хәлиқләрни янчип, уларни
Йоқ қилип, йәргә қенини төктүм».
7 Йәһваниң вапа меһир-муһәббитини әсләймән,
Йәһва Рәббниң шәнини мәдһийиләймән
Вә Йәһваниң бизгә қилған яхшилиқлириниң
Көләмини, Исраил өйигә көрсәткән илтипатини
Махтаймән! Сәвәви, У рәһимдил һәм
Униң вапа сөйүми улуқтур.
8 У шундақ деди: «Улар — Мениң хәлқим,
Хаинлиқ қилмайдиған пәрзәнтлирим».
У улар үчүн Ниҗаткар болди.
9 Уларниң һәрқандақ азави — Униңғиму
Азап әкеләтти вә Униң һозуридики
Пәриштә уларни шу чағда қутулдуратти.
Көйүми бойичә ичини ағритип,
У уларни сүргүндин азатлап,
Узақ вақит көтирип, елип маңди.
10 Лекин улар Униңға қарши исиян көтирип,
Униң муқәддәс роһини хапа қилди.
Шундақ вақитларда У дүшминигә айлинип,
Өзи уларға қарши урушатти.
11 Шу чағда улар қедим заманларни есиға елип,
Муса пәйғәмбәрниң дәврини кинәтти:
«Қени уларни қойлириниң падичиси билән
Деңиздин ачиққан Шәхс? Қени Мусаға
Өз муқәддәс роһини салған Егимиз?
12 Ким оң қоли билән Мусаниң оң қолини тутуп,
Өзигә мәңгү исим тикләш үчүн,
Мол суларни бөлүвәткән?
13 Ким уларни чоңқур исиян сулар арқилиқ
Атларни далада жүргүзгәндәк өткүзди
Һәм улар зади путлашмиди?
14 Падичи мелини дәм елиш үчүн вадиға
Әчүшкәндәк, шундақла Йәһваниң роһи
Уларға арам-течлиқ берәтти».
Сән шундақларчә исмиңни алийҗанап
Қилиш үчүн, хәлқиңни елип маңдиң.
15 Асмандин қариғина вә хасийәтликниң
Һәм гөзәлликниң йүксәк маканидин
Көз ташлиғина. Қени Сениң қизғинлиғиң
Һәм қудритиң? Қени Сениң бизгә болған
Һисдашлиғиң билән шәпқитиң?
Сән уларни биздиң тутуватисән.
16 Бирақ Сән бизниң Атимизғу!
Һәтта Ибраһим бизни тонумиса вә
Исраил өз пәрзәнди дәп санимиса,
Сән, Йәһва,— бизниң Атимиз.
Қедимдин башлап исмиң Сетивалғучидур.
17 Немә үчүн, Йәһва, Сән йоллириңдин бизниң
Чиқип кетишимизгә йол қойдуң?
Немишкә Сән қәлбимизниң берәһим болуп,
Сениңдин қорқмайдиған болуп кетишигә
Рухсәт қилдиң? Өтүнүмиз, яңливаштин
Бизгә илтипат көрсәткинә, мирасиңниң
Саңа мәнсүп қәбилилири түпәйлидин.
18 Саңа беғишланған хәлиқ бәргән йериңдә
Узақ яшимиди. Қаршилашқучилар Сениң
Муқәддәс җайиңни дәпсән қиливәтти.
19 Биз һазир Сән башқурмиған хәлиқкә
Охшап кәттуқ. Сениң улуқ исмиң билән
Аталмиған мусапирларға тәң болдуқ.