Зәбур
71 Йәһва, Саңа ишинимән,
Мени шәрмәндидә қалдурмиғин.
2 Һәқиқитиң мени қутқузсун, чүнки Сән һәққанийдур.
Қулақ селип, ярдәм қилғина.
3 Маңа қорам таштики макан болғина, у йәргә
Дайим қачай. Мән һәққидә әмир қилип,
Ниҗатимни орунлаштурғина, чүнки
Сән Қорғиним һәм Сепилимдур.
4 Илаһим! Мени рәзил қолидин жулувалғина,
Қанунсиз һәм әзгүчи қолидин тартивалғина.
5 Сәвәви, Сән мениң үмүтим, Пәрвәрдигар Йәһва!
Саңа өсмүр чеғимдин тайинип келиватимән.
6 Мән Саңа туғулушумдин башлап, үмүт қилимән,
Чүнки Сән мени анам қосиғидин дунияға
Чиқардиң. Сән мениң Һамийим, Сән билән
Һәрдайим пәхирлинимән!
7 Көплири үчүн мән бир мөҗүзә вә
Сән мустәһкәм маканим.
8 Еғизлирим Сени махташқа толған,
Күндә бүйүклүгиңни сөзләймән.
9 Қериғинимдиму мени ташлимиғина,
Һалим қалмиғанда, ваз кәчмигинә.
10 Дүшмәнләр дайим маңа өчтур,
Улар җенимни күзитип жүрмәктә һәм
Өз ара қәстликни ойлимақта.
11 Улар: «Худа уни қалдурди. Уни қоғлап
Тутуңлар, чүнки һечким уни һимайә
Әнди қилмайду»,— дәйду.
12 Рәббим, мәндин жирақ турма,
Илаһим! Ярдәмгә чапсан кәлгинә.
13 Дүшмәнлирим шәрмәндә болуп, йоқалсун,
Маңа тохтимай яманлиқ ойлиғанлар
Мәсхирә болсун!
14 Мән болсам, һәр вақитта Саңа тайинимән вә
Саңа болған мәдһийәлиримни давамлаштуримән.
15 Сениң һәқиқитиңни вә Сениң яхшилиқлириңни
Җакалап һармаймән. Бирақ уларниң
Сансизлиғидин, һәммисини ейтип берәлмәймән.
16 Илаһий Йәһва, пәқәт Сениң һәққанийлиғиң
Тоғрилиқ сөзләймән, улуқвар
Ишлириңни ейтимән.
17 Худайим, Сән мени кичигимдин үгәттиң, шуңа
Һазирғичә мән карамәтлириңни вәз қиливатимән.
18 Тәңрим, қериған вақтимда, ақчачлиқ болған
Чеғимдиму, мени қалдурмиғина. Мән Сениң
Булҗуңиңниң қувити һәққидә кәлгүси әвлатқа
Баян қилишимға иҗазәт қилғина.
Келәчәктә келидиған әвлатларға
Сениң қадирлиғиң тоғрисида.
19 Рәббим, Сениң адиллиғиң әршләргә йәтмәктә.
Ким Сән атқурған бүйүк паалийәтләрдә
Саңа йетәләйду?!
20 Сән маңа нурғунлиған һәсрәт билән
Бәхитсизликләрни чәккүздиң. Йәр һаңлиридин
Чиқирип, Әнди болса, мени җанландурғин.
21 Мени нурғун қетим көтәрдиң
Вә тәсәллиләрни мол бәрдиң.
22 Мән Сени садиқлиғиң үчүн, Илаһим, чилтарда
Күйләймән. Исраилниң муқәддәс Худайи,
Саңа бақилиқ апирин!
23 Мән Саңа нахша ейтқанда, шат болимән, чүнки
Сән җенимни сетивелип, аман қалдурдиң.
24 Тилим күн бойи һәқиқитиң тоғрисида мулаһизә
Қилиду, чүнки маңа явузлуқ тилигәнләр
Пәсийип, шәрмәндидә қалди.