Әйса тоғрилиқ һәқиқәтни қизғин җакалайли

Әйса тоғрисида адәмләр билән қандақ сөзләш керәклигини билсәк, биз техиму қизғин болалаймиз. Муқәддәс Китапта Әйса Мәсиһ һәқиқий ибадәттә «булуңташ» билән селиштурулған (Әфәс. 2:20). Әгәр Әйса Мәсиһ адәмзәт үчүн өз җенини пида қилмиған болса, биздә үмүт болмас еди (Әлч. 4:12). Шу сәвәптин барлиқ адәмләр Худаниң нийитидә Әйса қандақ роль атқуридиғанлиғини билиши керәк. Әпсус, нурғун адәмләр сахта тәлимләр билән адашқан. Әгәр бирси Әйса Мәсиһкә ишәнмисә, Йәһва Худаниң бәрикәтлиригә еришәлмәйду. Бизниң һәқиқәткә болған қизғинлиғимиз ақ нийәтлик адәмләргә Әйса Мәсиһ тоғрилиқ һәқиқәтни, униң ким екәнлигини һәм Худаниң нийитидә қандақ роль атқуридиғанлиғини чүшинишкә ярдәм бериду. Хәтириләш кечи өтидиған вақитта адәмләргә Әйса Мәсиһ тоғрисида һәқиқәтни ейтишта қизғинлиқ көрситәмсиз?