Аюп пәйғәмбәр синақларда нуқсансиз болған

Аюп пәйғәмбәр Уз дегән йәрдә яшиған. Бу вақитта исраиллиқлар Мисирда қуллуқта еди. Гәрчә Аюп пәйғәмбәр исраиллиқ болмисиму, у Йәһва Худаниң садақәтмән хизмәтчиси еди. Аюп пәйғәмбәр чоң аилиниң беши болуп, наһайити бай вә өз жутида аброй-атаққа егә адәм еди. Жут уни ақсақал дәп қәдирләтти, мәслиһәтлиригә қулақ салатти вә уни адиланә қази дәп тонатти. Аюп пәйғәмбәр кәмбәғәл вә һаҗәтмән адәмләргә сехийлиқ көрсәткән. У нуқсансиз адәм болған.

Аюп пәйғәмбәр Йәһва Худа униң һаятида әң муһим Шәхс болғанлиғини көрсәтти

1:8—11, 22; 2:2—5

• Шәйтан униң нуқсансизлиғини байқиди. У Аюпниң Йәһваға болған садақәтмәнлигини инкар қилмиди, амма униң мәхсәт-муддиалириға шәк кәлтүрди

• Шәйтан Аюпни Йәһва Худаға ғәрәзлик билән хизмәт қилиду дәп әйиплиди

• Бу мәсилини йешиш үчүн, Йәһва Худа Шәйтанниң Аюпқа һуҗум қилишиға йол қойди. Шуңа у Аюпниң өмрини ханивәйран қилди

• Аюп пәйғәмбәр нуқсансизлиғини сақлиғанда, Шәйтан барлиқ адәмләрниң нуқсансизлиғиға шәк кәлтүрди

• Аюп гуна қилмиди вә Худани әйиплимиди