МӘСИҺИЙ ҺАЯТИМИЗ

Оюн-тамашини даналиқ билән таллаң

Немә үчүн оюн-тамашиларни чоқум даналиқ билән таллаш керәк? Чүнки бүгүнки күндә нурғун оюн-тамашилар Йәһва өч көридиған нәрсиләрни өз ичигә алиду. Шуңа биз тамашә қилиш үчүн кино, нахша музыка, торбәтләр, китаплар яки электронлуқ оюнларни таллиғанда, пәхәс болмисақ, әқил-һошимизға зәһәрлик нәрсиләр тәсир қилип, Йәһва яқтурмайдиған ишларни қилимиз (Зб 11:5; Гл 5:19—21). Шу сәвәптин, Муқәддәс китап бизни давамлиқ Худани мәдһийиләйдиған ишлар һәққидә ойлинишқа дәвәт қилиду (Фп 4:8).

«ҚАНДАҚ ОЮН-ТАМАШИНИ ТАЛЛИШИМ КЕРӘК?» НАМЛИҚ ВИДЕОНИ КӨРСИТИП, ТӨВӘНДИКИ СОАЛЛАРҒА ҖАВАП БЕРИҢ:

Қедимки Римдики гладиаторлар оюнлири билән бүгүнки күндики бәзи оюн-тамашилар арисида қандақ охшашлиқ бар?
Җамаәттики етиқатдашлар яшларниң даналиқ билән оюн-тамашиларни таллишиға қандақ ярдәм берәләйду?
Римлиқларға 12:9-айәт оюн-тамашиларни таллишимизға қандақ тәсир қилиши керәк?
Сиз яшаватқан җайда қандақ сағлам оюн-тамашилар бар? Бир нәччисини ейтип бериң.

ПАЙДИЛИҚ ЯКИ ПАЙДИСИЗ ОЮН-ТАМАШӘ

Бүгүнки күндә көп адәмләр яхши көридиған оюн-тамашилар кишини әмәлий иш қилишниң орниға, башқиларниң қилған ишлири һәққидә оқушқа яки көрүшкә дәвәт қилиду. Кинолар, китаплар яки телевизийә программилири сизниң иҗаткарлиғиңизни әмәс, бәлки башқиларниң иҗаткарлиғини тәсвирләйду. Гәрчә пайдисиз оюн-тамашилар көп болсиму, нурғунлири пайдилиқ оюн-тамашиларни тапқан. Мәсилән, бәзиләр музыкилиқ чалғу-әсвапларни үгинишни яки сүрәт селишни яхши көриду. Йәнә бәзилири таққа чиқишни яки суда үзүшни яхши көриду. Мәйли қандақ оюн-тамашини таллимайли, һәммисини Худани улуқлаш үчүн қилайли! (К1х 10:31).