Иштлиримға яхши муамилә қилди
АМЕРИКАДИКИ Орегон штатида яшайдиған Ник исимлиқ әр киши мундақ дәп язған: «2014-жили әтияз пәслидә мән яшиған шәһәрниң мәркизидә икки әрмәк иштим билән сәйлә қилишқа чиқтим. Йәһва гувачилири адәттә шәһәр мәркизидә әдәбият һарвуси йенида туратти. Улар рәтлик-пакиза кийингән, дайим тәбәссүм билән, йенидин өткән һәрбир кишигә салам берип туратти.
Гувачилар пәқәт кишиләргила әмәс, бәлки иштлиримғиму яхши муамилә қилатти. Бир күни әдәбият һарвуси йенида турған Элейн, әрмәк иштлиримға татлиқ прәник бәрди. Шу күндин башлап, һәр қетим әшу кочида маңғанда, әдәбият һарвуси йенида турған Гувачилардин татлиқ прәник елиш үчүн иштлирим мени шу яққа тартатти.
Вақит өтүп, иштлиримға татлиқ прәник, маңа болса, Йәһва гувачилири билән болған қисқичә сөһбәтлишиш йеқип қалди. Бирақ мән улар билән бәк көп параңлишишни халиматтим. Йешим 70тин ашқан еди. Йәһва гувачилириниң немигә ишинидиғанлиғини билмәттим. Униңдин башқа, мән христиан чиркодин көңлүм қалған еди. Шуңа Муқәддәс китапни өзүм үгәнсәм, яхширақ болиду дәп ойлидим.
Шу җәриянида Йәһва гувачилириниң шәһәрниң башқа җайлиридиму әдәбият һарвулири билән турғанлиғини көрдүм. Улар дайим достанә муамилә қилатти. Йәһва гувачилири соаллиримға дайим Муқәддәс китапқа асаслинип җавап берәтти. Нәтиҗидә, уларға болған ишәнчим барғансири ашти.
Бир күни Элейн мениңдин: «Һайванлар Худа һәдийә қилған соғат екәнлигигә ишинәмсиз?»— дәп сориди. Мән болсам: «Әлвәттә ишинимән!»— дәп җавап бәрдим. Элейн Йәшая 11:6—9 айәтләрни оқуп бәрди. Бу мениң Йәһва гувачилириға болған көзқаришимни өзгәртишкә ярдәм бәрди. Амма Гувачиларниң китап-журналлирини елишни йәнила халимидим.
Күнләр өткәнсири, Элейн вә униң ери Брент билән қисқа, амма қизиқарлиқ сөһбәтләрни өткүзидиған болдуқ. Улар маңа һәқиқий Мәсиһ әгәшкүчиси қандақ болуши керәклигини чүшиниш үчүн Мәтта китавидин Әлчиләр китавиғичә оқуп чиқишни тәвсийә қилди. Мән дәл шундақ қилдим. Көп өтмәй, 2016-жили язда Брент вә Элейн билән Муқәддәс китап үгинишини башлидим.
Һәр һәптидики тәтқиқ үгинишимни вә Ибадәт өйидә өткүзүлидиған жиғилишларға беришни интизарлиқ билән күтәттим. Муқәддәс китаптики һәқиқәтләрни үгинип, шат-хорамлиққа чөмдим. Бир жилдин кейин Йәһва гувачиси сүпитидә чөмдүрүлүштин өттүм. Һазир 79 яшқа йәткәндә, мән һәқиқәт йолида меңиватқанлиғимни билимән. Йәһва Худа мени хәлиқара аилисигә қобул қилип бәрикәтлиди».