4-савақ

Шәйтан дегән ким?

Шәйтан Иблис қәйәрдин пәйда болди? (1, 2)

Шәйтан адәмләрни қандақ алдайду? (3—7)

Немишкә биз шәйтанға қарши турушимиз керәк? (7)

1. «Иблис» дегән сөз кимду-ким бирси тоғрилиқ қәстлик билән алдиғанни билдүриду. «Шәйтан» дегән сөз дүшмәнни яки қаршилиқ көрсәткәнни билдүриду. Худаниң асасий дүшмини мошундақ исимләр билән аталған. Башта у камил периштә болуп, Худа билән биллә асманда яшиған еди. Лекин кейинирәк у өзи тоғрилиқ наһайити көп ойлап, бирла Худаға тегишлик ибадәтни өзигә халиди (Мәтта 4:8—10).

2. Бу периштә, Шәйтан, илан арқилиқ Һава-ана билән сөзлишишкә башлиди. Униңға ялғанни ейтип, Худани тиңшимаслиққа ойғатти. Шундақ қилип, Шәйтан Худаниң “һөкүмранлиғини”, яки Пәрвәрдигарниң тутқан орнини дүшмәнләрчә тәңқит қилди. Шәйтан Худа Өз һөкүмранлиғини дурус жүргүзәмду вә Өз пухралириниң мәнпийәтлирини нәзәригә аламду? — дәп шубһә қилди. У шундақла Худаға бирәр адәм болсиму садиқлиқни сақлаламду? — дегән соалға гуман кәлтүрди. Шундақ қилип, Шәйтан Худаниң дүшмини болди. Мана шу сәвәптин у Шәйтан Иблис дәп аталди (Яритилиш 3:1—5; Аюп 1:8—11; Вәһий 12:9).

3. Шәйтан өзигә ибадәт қилиш үчүн адәмләрни алдашқа тиришиду (Кор. 2-х. 11:3, 14). Униң адәмләрни алдаш йоллириниң бири — ялған дин. Әгәр дин Худа тоғрилиқ ялғанни үгәтсә, у Шәйтанниң мәхсәтлиригә хизмәт атқуриду (Йоһан 8:44). Ялған динниң йолида жүргәнләр һәқиқий Худаға баш егиватимиз дәп чин көңлидин ойлиши мүмкин. Бирақ растини ейтқанда, улар Шәйтанға хизмәт қиливатиду. Шәйтан «мошу дунияниң худаси» (Кор. 2-х. 4:4).

4. Адәмләрни өз бийлигигә беқиндуруш үчүн Шәйтанниң новәттики усули — спиритизм. Өзлирини қорғисун, башқа адәмләргә зиян кәлтүрсүн, келәчәкни ейтип бәрсүн вә мөҗүзиләрни ясисун дәп адәмләр роһларни чақириду. Мошундақ һәммә ишларниң арқисида яман күч — Шәйтан турмақта. Худани рази қилиш үчүн, биз һеч қачан спиритизм билән бағлиништа болмишимиз керәк (Қанун шәһри 18:10—12; Әлчиләр 19:18, 19).

5. Униңдин башқа Шәйтан һәддидин ташқири өсүп кәткән миллий чоңчилиқни қозғап вә сәясий тәшкилатларға тайинишқа қизиқтуруп адәмләрни алдайду. Бәзи кишиләр өзиниң миллитини яки ирқини башқилардин артуқ дәп һесаплайду. Бирақ бу натоғра (Әлчиләр 10:34, 35). Адәмзатниң қийинчилиқлирини сәясий тәшкилатлар йешип бериду дегән ойларму бар. Мошуниңға камил ишинидиған адәмләр Худаниң Падишалиғини қобул қилмайватиду. Амма адәмзатниң барлиқ мәсилилирини Худаниң Падишалиғила йешәләйду (Даниял 2:44).

6. Шәйтанниң йәнә бир алдаш усули — гуналиқ хаһишлар билән адәмләрни езиқтуруш. Йәһвә Худа бизгә бу гуналиқ адәт-қилиқлардин зиян чекишимизни билгәнликтин, улардин қечишни һөкүм қилмақта (Гал. 6:7, 8). Мүмкин, гайбир гуна қилип адәтләнгән адәмләр сизниму өз ишлириға қошқиси келип, өзлиригә охшитай дәйдиғанду. Бирақ есиңизда болсун, һәқиқәттә мошу һәммә ишларни халайдиған Шәйтан (Кор. 1-х. 6:9, 10; 15:33).

7. Сизни Йәһвә Худадин әкетиш үчүн мәҗбурлап Шәйтан қоғландичилиқ вә қаршилиқ көрситиши мүмкин. Муқәддәс китаптин билим елип жүргиниңиз үчүн туққанлириңизниң бирмунчилири сизгә қаттиқ ачиқ қилиши мүмкин. Башқилири болса, сизни заңлиқ қилип күлүши еһтимал. Бирақ өмриңиз үчүн сиз кимгә миннәтдар? Йәһвә Худа тоғрилиқ билим еливатқинини тохтатсун дәп, Шәйтан сизни қорқатқуси келиду. Шәйтан сизгә башчилиқ қилидиғанға йол бәрмәң! (Мәтта 10:34—39; Петрусниң 1-хети 5:8, 9). Шәйтанға қарши туруп, сиз Йәһвә Худани хошал қилисиз вә Униң һөкүмранлиғиниң тәрәпдари екәнлигиңизни көрситисиз (Тәмсилләр 27:11).

[9-бәттики рәсимләр]

Адәмләрни ялған дин, спиритизм вә милләтчилик адаштуруди.

[9-бәттики рәсим]

Йәһвә Худа тоғрилиқ билим елишни давамлаштуруп, Шәйтанға қаршилиқ көрситиң.