9-савақ

Худаниң хизмәтчилири таза болуши керәк

Немишкә биз һәммә җәһәттин таза болушимиз керәк? (1)

Роһаний тазилиғи? (2) әхлақий тазилиғи? (3) ой тазилиғи? (4) җисманий тазилиғи дегән немә? (5)

Таза әмәс тилдин қандақ қечиш керәк? (6)

1. Йәһвә Худа пак һәм муқәддәс. У Өзигә ибадәт қилидиған адәмлиридин роһаний, әхлақий вә җисманий җәһәттин һәм ой-пикирлиридики пакизлиқни сақлайдиғинини күтиду (Петрусниң 1-хети 1:16). Әгәр биз Худаниң көз алдида таза болғумиз кәлсә, биздин җиддий күч чиқириш тәләп қилиниду. Биз напак дунияда өмүр сүрүватимиз. Униңдин башқа биз өзимизниң натоғра һәвәслиримиз билән күришип келиватимиз. Амма биз уларға берилмишимиз керәк.

2. Роһаний тазилиқ. Әгәр биз Йәһвә Худаға хизмәт қилишни халисақ, биз ялған динниң илимлирини вә урпи-адәтлирини тутмаслиғимиз керәк. Биз ялған дин билән болған алақилиримизни үзүп, уни һеч қандақ қоллимишимиз керәк (Кор. 2-х. 6:14—18; Вәһийләр 18:4). Худа тоғрилиқ һәқиқәтни билгәндин кейин, адаштуривәтмәслиги үчүн ялғанни үгитидиған адәмләрдин пәхәс болушимиз керәк (Йоһанниң 2-хети 10, 11).

3. Әхлақий тазилиқ. Йәһвә Худа Өзиниң хизмәтчилиридин һәр дайим чин мәсиһчиләрдәк жүргинини халайду (Петрусниң 1-хети 2:12). У биз немә қиливатқинимизниң һәммисини, һәтта йошурун ишлиримизниму көриду (Ибранийлар 4:13). Биз бу дунияниң җинсий әхлақсизлиғидин вә башқа паскина ишлиридин қечишимиз керәк (Кор. 1-х. 6:9—11).

4. Ой тазилиғи. Әгәр биз әқлимизни таза ойлар билән толтуридиған болсақ, бизниң меңиш-турушимизму таза болиду (Фил. 4:8). Амма әқил-һошимиз паскинчилиққа толған болса, нәтиҗиси яман ишлар болиду (Мәтта 15:18—20). Ойимизға әски тәсир қилидиған оюн-мәшиқләрдин қечишимиз һаҗәт. Биз өз әқлимизни Худаниң сөзини оқуп үгиниш арқилиқ таза ойлар билән толтуралаймиз.

5. Җисманий тазилиқ. Мәсиһчиләр — Худаниң вәкиллири, шу сәвәптин улар тениниму вә кийиминиму пакизә тутуши лазим. Тәрәтханидин кейин, шундақла тамақлиништин вә тамақ етиштин авал қоллиримизни жуюшимиз керәк. Әгәр өйдә адәттикидәк су жуюлмиси болмиса, тәрәтни көмүветиш шәрт (Қанун шәһри 23:12, 13). Җисманий тазилиқ — яхши тәнсақлиқниң асаси. Мәсиһчиниң өйи сиртидин һәм ичидин пакизә сәрәмҗан болуши лазим. Башқилири үчүн униң өйи үлгилик болуши керәк.

6. Таза тил. Худаниң хизмәтчилири дайим растнила дейиши керәк. Ялғанчилар Худа Падишалиғиға кирмәйду (Әфәсликләргә 4:25; Вәһ. 21:8). Мәсиһчиләр әдәпсиз сөзләрни қилмайду. Улар жиркиничлик чақ-чақларни вә уятсиз һекайиләрни ейтмайду һәм тиңшимайду. Өзлириниң таза гепи билән улар мәктәптики, иш җайидики адәмләр вә яшаватқан йеридики турғунлардин пәриқлиниду (Әфәсликләргә 4:29, 31; 5:3).

[18, 19-бәттики рәсимләр]

Худаниң хизмәтчилири һәр җәһәттин таза болуши керәк.