13-савақ

Һәқиқий динни қандақ тапалайсиз?

Барлиқ динлар Худаға яқамду яки бирла динму? (1)

Немишкә христиан дәп аталған динлар шунчә нурғун? (2)

Һәқиқий мәсиһчиләрни қандақ ениқлашқа болиду? (3—7)

1. Әйса бирла һәқиқий мәсиһчи динниң асасчиси болди. Шуниң үчүн бүгүнки күндә Йәһвә Худаниң һәқиқий ибадәтчиләрниң бирла йөнилиши яки топи болуши керәк (Йоһан 4:23, 24; Әфәс. 4:4, 5). Муқәддәс китап өмүргә апиридиған тар йолда азла адәмләр маңидиғанлиғини ейтиду (Мәтта 7:13, 14).

2. Муқәддәс китапта әлчиләр өлгәндин кейин, мәсиһчи җиғиниға ялған оқушлар вә мәсиһчиликкә ятмайдиған урпи-адәтләр киридиғанлиғи тоғрилиқ алдин-ала ейтилған. Шундақла бәзи адәмләр диндарларни Әйсаниң әмәс, өзлириниң йолиға әкетидиғанлиғи тоғрилиқ хәвәрләнгән (Мәтта 7:15, 21—23; Әлчиләр 20:29, 30). Мана мошу сәвәптин һазир өзлирини христиан дәп атайдиған түрлүк динлар көп. Ким һәқиқий мәсиһчиләр екәнлигини қандақ билишкә болиду?

3. Һәқиқий мәсиһчиләрниң әң алаһидә бәлгүси — чин көңлидин бир-бирини яхши көрүш (Йоһан 13:34, 35). Һәқиқий мәсиһчиләрниң арисида бир милләтниң чирай-шәкли вә рәңги-ройи башқа миләтләрдин артуқ дәп үгәтмәйду. Шундақла башқа дөләтләрниң турғунлирини өч-көрүшниму үгәтмәйду (Әлчиләр 10:34, 35). Шу сәвәптин һәқиқий мәсиһчиләр урушларға қатнашмайду. Улар бир-бири билән қериндашларчә арилишип жүриду (Йоһанниң 1-хети 4:20, 21).

4. Кейинки бәлгү — Муқәддәс китапқа болған чоңқур һөрмәт. Һәқиқий мәсиһчиләр уни Худаниң Сөзи дәп тонуп, униңда йезилғанниң һәммисигә ишиниду (Йоһан 17:17; Тимотийға 2-хәт 3:16, 17). Худаниң Сөзи улар үчүн адәмләрниң нийәтлиригә вә урпи-адәтлиригә қариғанда муһимирақ (Мәтта 15:1—3; 7—9). Улар һәр дайим Муқәддәс китап бойичә өмүр сүрүшкә тиришиду. Шуңлашқа уларниң ейтқан сөзлири билән қилған ишлири пәриқләнмәйду (Титқа 1:15, 16).

5. Һәқиқий динниң тәрәпдарлири Худаниң исмиғиму һөрмәт көрситиши керәк (Мәтта 6:9). Әйса адәмләргә Худаниң исми Йәһвә екенлигини ачти. Һәқиқий мәсиһчиләр шундақла қилиши керәк (Йоһан 17:6, 26; Римлиқларға 10:13,14). Кимләр сиз туруватқан җайда адәмләргә Худаниң исми тоғрилиқ ейтиватиду?

6. Һәқиқий мәсиһчиләр Худаниң Падишалиғи тоғрисида Хуш хәвәр ейтиши керәк. Әйса шуниң билән шуғулланған еди. У һәр вақитта Падишалиқ тоғрисида хәвәрлигән (Луқа 8:1). Өз шагиртлириға йәр йүзи бойичә әшу Хуш хәвәрни ейтишни буйриди (Мәтта 24:14; 28:19, 20). Һәқиқий мәсиһчиләр пәқәт Худаниң Падишалиғи йәрдә течлиқни вә бехәтәрликни тәмин қилидиғиниға ишиниду (Зәбур 145:3—5).

7. Әйсаниң шагиртлири бу зулум дунияниң ишлириға қошулмайду (Йоһан 17:16). Улар бу дунияниң сәяситигә вә иҗтимаий җедәллиригә арилашмайду. Улар бу дунияға тәәлуқ зиян муҗәзидин, урпи-адәтлиридин һәм хаһишлиридин нери болиду (Яқуп 1:27; 4:4). Һәқиқий мәсиһчиликниң мошу атап өткән бәлгүлири бар динни сиз атап берәләмсиз?

[26, 27-бәттики рәсимләр]

Һәқиқий мәсиһчиләр бир-бирини яхши көриду, Муқәддәс китапни һөрмәтләйду вә Худа Падишалиғи тоғрилиқ Хуш хәвәр ейтиду