Еғир әһвалға дуч кәлгән етиқатдашлиримизға қандақ ярдәм беримиз?

Тәбиий апәт йүз бәргәндә, Йәһва гувачилири зәрдап чәккән етиқатдашлириға дәрру ярдәм көрситиш чарилирини уюштуриду. Бу бизниң бир-биримизгә болған меһир-муһәббитимизни көрситиду (Йоһан 13:34, 35; Йоһанниң 1-хети 3:17, 18). Мундақ ярдәм немидин ибарәт?

Маддий ярдәм көрситимиз. Биринчи әсирдә Йәһудийәдә қаттиқ ачарчилиқ йүз бәргәндә, Антакядики мәсиһийләр етиқатдашлириға маддий ярдәм әвәткән (Әлчиләр 11:27—30). Шуниңға охшаш, бүгүнки күндиму бирәр мәмликәттә етиқатдашлиримиз қийинчилиқларға дуч кәлгәнлигини аңлисақ, уларға йәрлик җамаәт арқилиқ маддий ярдәм әвәтимиз (Коринтлиқларға 2-хәт 8:13—15).

Әмәлий ярдәм көрситимиз. Апәт болған җайдики ақсақаллар җамаәтниң һәрбир әзасини тепип, уларниң һалидин хәвәр елишқа тиришиду. Ярдәм көрситиш комитети озуқ-түлүк, таза су вә кийим-кечәкни тәхсим қилип, башпана вә тиббий ярдәм билән тәминләйду. Шу пәйттә қолида һүнири бар етиқатдашлар бузулған өй-җайларни вә Ибадәт өйлирини әксигә кәлтүрүш ишлириға қатнишиш үчүн өз пуллирини сәрип қилип ярдәмгә бариду. Бирақ етиқатдашлиримизға ярдәм қолимизни сунғанда, биз шундақла дини башқа адәмләрниму унтумаймиз (Галатилиқларға 6:10).

Қайғуруватқанларға тәсәлли беримиз. Тәбиий апәттин зәрдап чәккәнләр тәсәллигә алаһидә муһтаҗ. Шундақ вақитларда биз «һәрқандақ тәсәллиниң Пәрвәрдигари» болған Йәһва Худадин күч-қувәт алимиз (Коринтлиқларға 2-хәт 1:3, 4). Биз қайғуруватқанларға Худа Падишалиғиниң пат йеқинда барлиқ балаю-апәтләрни йоқ қилидиғанлиғини ейтип, Муқәддәс китаптики хуш хәвәр билән бөлүшимиз (Вәһий 21:4).

• Немишкә Йәһва гувачилири тәбиий апәтләр вақтида дәрру ярдәмгә келәләйду?

• Апәткә учриғанларға қандақ тәсәлли берәләймиз?