1-ДӘРИС

Үнүмлүк кириш сөз

Әлчиләр 17:22

АСАСИЙ МӘХСӘТ. Кириш сөз тиңшиғучиларниң қизиқишини ойғитиши, уларға мавзуни йорутуп бериши һәм немә үчүн бу мавзуниң муһим екәнлигини көрситиши керәк.

МӘХСӘТКӘ ҚАНДАҚ ЙЕТӘЛӘЙСИЗ?

Қизиқишни ойғитиш. Тиңшиғучиларниң қизиқишини ойғитиш үчүн, бир соал қойсиңиз, бирлири баштин кәчүргән вақиәни вә әң йеңи хәвәрләрни ейтип бәрсиңиз яки башқа гәп-сөзләр билән сөз башлисиңиз болиду.

Авал тиңшиғучилар немигә қизиқиду вә қандақ ғәм-әндишилири бар дегәнләргә диққәт қилиң. Андин кириш сөзини шуниңға маслаштуруң.
Мавзуни йорутуп бериш. Кириш сөзидин таллиған мавзу вә уни немә сәвәптин таллиғанлиғиңиз ениқ көрүнсүн.
Мавзуниң муһимлиғини көрситиш. Тиңшиғучиларниң еһтияҗиға қарап, сөзләрни таллаң. Бу мавзу уларға шәхсән қандақ ярдәм берәләйдиғанлиғини ениқ чүшәнсун.

Нутуқ тәйярлиғанда, өз-өзүңиздин мундақ сораң: «Җамаәттики қериндашлар қандақ әһвалларға дуч келиватиду?» Уларниң еһтияҗлириға мас келидиған кириш сөзини таллаң.