Муқәддәс китап җинсий мунасивәт һәққидә немә дәйду?

Бүгүнки күндә нурғун кишиләр җинсий мунасивәт һәққидә гәп қилиштин хиҗил болиду. Амма Муқәддәс китапта бу мавзу очуқ-ашкарә вә һөрмәт билән тилға елинған. Униңда йезилғанлар биз үчүн пайдилиқ. Бу әқилгә уйғун, чүнки Йәһва бизниң Яратқучимиздур. Шуңа У биз үчүн неминиң әң яхши екәнлигини билиду. Яратқучимиз бизгә Уни хурсән қилиш үчүн немә қилишимиз керәклигини вә мәңгү шат-хорам яшишимизға немә ярдәм берәләйдиғанлиғини көрситип бериду.

1. Йәһва җинсий мунасивәткә қандақ көзқарашта?

Җинсий мунасивәт — Йәһва Худадин кәлгән соға. Яратқучимиз некада бир-биригә бағланған әр-аялниң бу соғидин һузурлинишини халайду. Бу соға арқилиқ әр-аяллар пәрзәнтлик болупла қалмай, бәлки бир-биригә болған сөйгү-муһәббитини тәбиий вә һузурлуқ шәкилдә ипадиләләйду. Шуңлашқа, Худаниң Сөзи мундақ дәйду: «Яшлиғиндики аялиң билән раһәтләнгин» (Пәнд-нәсиһәтләр 5:18, 19). Йәһва турмуш қурған Мәсиһ әгәшкүчилиридин өз җүптигә вападар болушни тәләп қилиду, шуңа улар һәргизму зина қилмаслиғи керәк (Ибранийларға 13:4ни оқуң).

2. Җинсий әхлақсизлиқ дегән немә?

Муқәддәс китап бизгә «нека вапасизлириму... Худа Падишалиғиниң варислири болмайду» дәйду (Коринтлиқларға 1-хәт 6:9, 10). Муқәддәс Язмиларни грек тилида язғанлар җинсий әхлақсизлиқни тәсвирлигәндә, порни́а сөзини ишләткән. Бу сөзниң мәнаси 1) өз ара той қилмиғанлар оттурисидики җинсий мунасивәтa, 2) охшаш җинислиқлар оттурисидики җинсий мунасивәт (гомосексуализм) вә 3) һайванлар билән болған җинсий мунасивәтни өз ичигә алған. Биз җинсий әхлақсизлиқтин сақлансақ, Йәһва Худани хурсән қилимиз вә бу өзүмиз үчүнму пайдилиқтур (Салоникилиқларға 1-хәт 4:3).

ЧОҢҚУРИРАҚ ҚЕЗИҢ

3. Җинсий әхлақсизлиқтин қечиң

Йүсүп исимлиқ садиқ кишиниң әхлақий җәһәттин өзини пак тутуши асан болмиған. Яритилиш 39:1—12ни оқуң, кейин төвәндики соалларға җавап бериң:

• Йүсүпни қечишқа немә дәвәт қилған еди? (9-айәтни көрүң.)

• Сизниңчә, Йүсүп тоғра қарар чиқарғанму? Немә үчүн?

ВИДЕО: «Әхлақсизлиқтин қечиң» (5:06)

Йәһва Худа һәммимизниң әхлақсизлиқни рәт қилишимизни халайду. Коринтлиқларға 1-хәт 6:18ни оқуң, кейин төвәндики соалларға җавап бериң:

• Қандақ вәзийәтләр бир кишини җинсий әхлақсизлиққа йетәкләйду?

• Әхлақсизлиқтин қандақ қачалайсиз?

4. Езиқтурушқа қарши туралайсиз

ВИДЕО: «Муқәддәс китапни оқуп, аздурулушларға қарши туруң» (3:02)

• Видеодики бурадәр өз ой-пикирлири вә иш-һәрикәтлириниң аялиға вапасизлиқ қилишқа сәвәпчи болалайдиғанлиғини һис қилғанда, немә қилди?

Бәзидә һәтта садақәтмән Худа хизмәтчилиригиму ой-пикирлирини пак тутуш қийин болиду. Дайим әхлақсиз ой-пикирләрдә болуштин сақлиниш үчүн немә қилсиңиз болиду? Филипиликләргә 4:8ни оқуң, кейин төвәндики соалларға җавап бериң:

• Қандақ ишлар үстидә ойлинишимиз керәк?

• Муқәддәс китапни оқуш вә Йәһва Худаға хизмәт қилиш билән бәнт болуш езиқтурулушқа қарши турушимизға қандақ ярдәм берәләйду?

5. Йәһваниң әхлақ өлчәмлири биз үчүн пайдилиқ

ВИДЕО: «Әқилсиз жигит» (9:31)

• Жигит езиқтурулушқа башлайдиған вәзийәткә қандақ чүшүп қалди? (Пәнд-нәсиһәтләр 7:8, 9-айәтләрни көрүң.)

• Пәнд-нәсиһәтләр 7:23, 26-айәтләргә асасланғанда, җинсий әхлақсизлиқ еғир ақивәтләрни кәлтүрүп чиқириду. Әгәр әхлақий җәһәттин өзүмизни пак тутсақ, қандақ мәсилиләрдин сақлиналаймиз?

• Әхлақий паклиқни сақлаш мәңгү шат-хорам яшишимизға қандақ ярдәм берәләйду?

Муқәддәс китапта охшаш җинислиқларниң җинсий мунасивити мәнъий қилинғанлиғини бәзиләр рәһим-шәпқәтсизлик дәп қарайду. Амма сөйгү-муһәббәтниң мәнбәси Йәһва Худа барчә инсанниң мәңгү шат-хорам яшишини халайду. Мәңгү яшашқа лайиқ болуш үчүн чоқум Униң әхлақ өлчәмлиригә мас яшишимиз керәк. Коринтлиқларға 1-хәт 6:9—11ни оқуң, кейин төвәндики соалға җавап бериң:

• Худаниң нәзәридә пәқәтла охшаш җинислиқлар билән җинсий мунасивәттә болуш арзу-истиги натоғриму?

Худани хурсән қилиш үчүн, һәммимиз өзгиришимиз керәк. Буниң үчүн тиришишқа әрзәмду? Зәбур 19:8, 11ни оқуң, кейин төвәндики соалларға җавап бериң:

• Сизниңчә, Йәһваниң әхлақ өлчәмлири әқилгә мувапиқму? Немә үчүн?

ХУЛАСӘ

Җинсий мунасивәт — Йәһва некада бағланған әр-аялға бәргән соғидур.

Тәкрарлаш

• Җинсий әхлақсизлиқ немиләрни өз ичигә алиду?

• Җинсий әхлақсизлиқтин сақлинишимизға немә ярдәм бериду?

• Йәһваниң әхлақ өлчәмлиригә бойсунушниң биз үчүн қандақ пайдиси бар?

ИЗДИНИП КӨРҮҢ

Немә үчүн Йәһва Худа биргә яшимақчи болған әр вә аялдин некасини қанунлуқ тизимлитишни тәләп қилиду?

«Муқәддәс китап некасини тизимлатмай, бир өйдә яшаш тоғрисида немә дәйду?» (Торбәттики мақалә)

Муқәддәс китапта охшаш җинислиқларниң җинсий мунасивити мәнъий қилинғанлиғи рәһим-шәпқәтсизликму?

«Охшаш җинислиқларниң җинсий алақидә болуши хатаму?» (Торбәттики мақалә)

Җинсий мунасивәт тоғрисидики Худаниң қанунлириниң бизни қандақ қоғдайдиғанлиғини үгинивелиң.

«Еғиз бошлуғи арқилиқ җинсий мунасивәттә болуш һәқиқий җинсий мунасивәт һесаплинамду?» (Торбәттики мақалә)

Охшаш җинислиқлар билән җинсий мунасивәттә болған киши өзгирип, Худани хурсән қилидиған усулда яшиған. Буни билиш үчүн «Маңа һөрмәт билән муамилә қилди» намлиқ тәрҗимиһални оқуң.

«Муқәддәс китап һаятни өзгәртиду» («Күзитиш мунари» 2011-жил, 1-апрель)