Гәп-сөзлириңиз билән Йәһвани хурсән қилиң

Йәһва бизни яратқанда, бизгә сөзләш қабилийитини соға қилған еди. У бизниң бу әҗайип соғини қандақ ишлитишимизгә көңүл бөләмду? Әлвәттә, көңүл бөлиду (Яқуп 1:26ни оқуң). Ундақта, Йәһвани хурсән қилиш үчүн сөзләш қабилийитимизни қандақ ишлитишимиз керәк?

1. Йәһва бәргән соғини қандақ ишлитишимиз керәк?

Муқәддәс китап бизгә: «Шуңлашқа қиливатқиниңлардәк, бир-бириңларға тәсәлли бериңлар вә бир-бириңларни мустәһкәмләңлар»,— дәйду (Салоникилиқларға 1-хәт 5:11). Сиз тонуйдиғанларниң арисида тәсәллигә муһтаҗ кишиләр барму? Уларни илһамландуруш үчүн немә қилалайсиз? Шу кишиләргә уларни қәдирләйдиғанлиғиңизни ейтиң. Уларниң сиз яқтурған яхши тәрәплирини сөзләп бериң. Униңдин башқа, уларға илһам бериш үчүн Муқәддәс китаптин бир айәтни оқуп бериң. Есиңиздә болсунки, ейтқан сөзлириңиз башқиларға күчлүк тәсир қилғандәк, сөзлириңизни қандақ усулда ейтишму шундақ күчлүк тәсир қилиду. Шуңа һемишәм мулайимлиқ вә меһрибанлиқ билән сөзләшкә тиришиң (Пәнд-нәсиһәтләр 15:1).

2. Қандақ гәп-сөзләрни қилмаслиғимиз керәк?

Муқәддәс китап: «Ағзиңлардин бирму сесиқ сөз чиқмисун»,— дәйду (Әфәсликләргә 4:29ни оқуң). Демәк, биз яман сөзләрни қилмаймиз яки башқиларниң көңлини пичақ тиққандәк ағритидиған қопал вә һақарәтлик сөзләрни ишләтмәймиз. Биз йәнә зиянлиқ ғевәт-шикайәтләр вә төһмәтләрдин сақлинишимиз керәк (Пәнд-нәсиһәтләр 16:28ни оқуң).

3. Башқиларни илһамландуридиған сөзләрни қилишимизға немә ярдәм бериду?

Гәп-сөзлиримиз һемишәм көңлүмиздә немә барлиғини вә ой-пикирлиримизни ашкарилайду (Луқа 6:45). Шуңа биз диққитимизни иҗабий ишларға, йәни адил, пак, меһир-муһәббәткә үндәйдиған вә махташқа әрзийдиған ишларға қаритишни үгинишимиз лазим (Филипиликләргә 4:8). Бундақ қилиш үчүн оюн-тамашиларни вә достларни таллиғанда, еһтиятчанлиқ билән дана қарар чиқиришимиз керәк (Пәнд-нәсиһәтләр 13:20). Буниңдин башқа, сөз қилиштин бурун гәп-сөзлиримизниң башқиларға қандақ тәсир қилидиғанлиғи һәққидә ойлинишимиз лазим. Муқәддәс китап мундақ дәйду: «Бәзи қуруқ сөзлүк адәм еғизи билән қиличтәк санчийду, даналар тили давалайду» (Пәнд-нәсиһәтләр 12:18).

ЧОҢҚУРИРАҚ ҚЕЗИҢ

4. Гәп-сөзлириңизгә диққәт қилиң

Бәзи чағларда һәммимиз бәзи гәп-сөзләрни дәп қоюп, кейин пушайман қилимиз (Яқуп 3:2). Галатилиқларға 5:22, 23ни оқуң, кейин төвәндики соалларға җавап бериң:

• Гәп-сөзлириңизгә диққәт қилишиңизға ярдәм беридиған қайси пәзиләтләрни йетилдүрүш үчүн Йәһваға дуа қилсиңиз болиду? Бу пәзиләтләр сизгә қандақ ярдәм берәләйду?

Коринтлиқларға 1-хәт 15:33ни оқуң, кейин төвәндики соалға җавап бериң:

• Таллиған достлириңиз вә оюн-тамашилар гәп-сөзлириңизгә қандақ тәсир қилиши мүмкин?

Вәз 3:1, 7ни оқуң, кейин төвәндики соалға җавап бериң:

• Қайси вақитта сүкүт қилсақ яки мувапиқ вақитни тепип сөз қилсақ яхши болиду?

5. Башқилар һәққидә яхши гәп қилиң

ВИДЕО: «Башқиларни илһамландуридиған сөзләрни ейтиң» (4:07)

• Видеодики бурадәр немә үчүн өзини өзгәртмәкчи болди?

• У өзини өзгәртиш үчүн немә иш қилди?

Вәз 7:16ни оқуң, кейин төвәндики соалға җавап бериң:

• Биз башқилар һәққидә яман гәп қилишқа аздурулсақ, немиләрни әстә сақлишимиз керәк?

Вәз 7:21, 22ни оқуң, кейин төвәндики соалға җавап бериң:

• Әгәр башқилар сиз тоғрилиқ яман гәп-сөзләрни қилса, бу айәтләр сизниң тезла рәнҗимәслигиңизгә қандақ ярдәм бериду?

6. Аилиңиздикиләргә мулайимлиқ билән сөз қилиң

ВИДЕО: «Меһир-муһәббәт вә һөрмәт нека риштисини мустәһкәмләйду» (3:08)

• Аилә әзалириңизға мулайимлиқ билән сөз қилишиңизға немә ярдәм бериду?

Әфәсликләргә 4:31, 32ни оқуң, кейин төвәндики соалға җавап бериң:

• Биз қандақ сөзләрни қилсақ, аилимиздикиләр өзини қәдирләнгәндәк һис қилиду?

Йәһва Өз Оғли Әйсани сөйидиғанлиғини ипадилигән. Мәтта 17:5ни оқуң, кейин төвәндики соалға җавап бериң:

• Аилиңиздикиләргә гәп қилғанда, Йәһвани қандақ үлгә қилалайсиз?

ХУЛАСӘ

Гәп-сөзлиримиз башқиларниң көңлигә тәсәлли яки азар берәләйду. Шуңа немә дейиш, қачан сөзләш вә қандақ сөзләшкә алаһидә диққәт қилишимиз керәк.

Тәкрарлаш

• Башқиларға ярдәм бериш үчүн сөзләш қабилийитимизни қандақ ишлитишимиз керәк?

• Сиз қандақ гәп-сөзләрни қилиштин сақлинишни халайсиз?

• Башқиларға һемишәм көңүл бөлүп, илһам-мәдәт беридиған сөзләрни қилишимизға немә ярдәм берәләйду?

ИЗДИНИП КӨРҮҢ

Яхши гәп-сөзләрни қилишқа немә ярдәм берәләйду?

«Тилиңизни даналиқ билән ишлитиң» (8:04)

Яман гәп-сөзләрни ишлитиштин сақлинишқа немә ярдәм берәләйдиғанлиғини биливелиң.

«Һақарәтлик сөзләрни қилиш һәқиқәтән яманму?» (Торбәттики мақалә)

Ғевәт-шикайәттин қандақ нери туралайдиғанлиғиңизни көрүң.

«Ғевәттин нери болуң!» (2:36)

Йәһва бир кишигә яман гәп-сөзләрни қилиш адитини ташлашқа қандақ ярдәм бәргәнлигини оқуп көрүң.

«Мән өз һаятим тоғрилиқ әстаидил ойлашқа башлидим» («Күзитиш мунари» 2013-жил, 1-август)