«Падишалиғиң кәлсун». Миллионлиған кишиләрниң дуаси
Әсирләр бойи миллионлиған кишиләр Падишалиқниң келишини тилға елип, дуа қилмақта. Немә үчүн? Чүнки Әйса пәйғәмбәр өз әгәшкүчилиригә Худа Падишалиғи тоғрилиқ дуа қилишни ейтқан еди.
Дәсләптә һәзрити Әйсаниң әгәшкүчилири униң Худа Падишалиғи һәққидә ейтқан сөзлирини толуқ чүшәнмигән. Улар бир қетим Әйса пәйғәмбәрдин: «Һәзритим, шу вақитта Исраилда падишалиқни қайта әслигә кәлтүрмәкчимусиз?»— дәп сориған. Һәзрити Әйса уларға Худа Падишалиғиниң ениқ қайси вақитта келидиғанлиғини ейтмиған, бәлким улар буниңға һәйран қалған (Әлчиләр 1:6, 7, ЙД). Демәк, бу «Худа Падишалиғи дегән немә?» вә «У қачан келиду?» дегән соалларға җавап тапалалмайдиғанлиғимизни билдүрәмду? Яқ, билдүрмәйду!
Бу «Күзитиш мунари» журнали төвәндики соалларға җавап тепишиңизға ярдәм бериду:
Немә үчүн биз Худа Падишалиғиға муһтаҗ?
Худа Падишалиғиниң Падишаси ким?
Худа Падишалиғи қачан йәр йүзи үстидин һөкүмранлиқ жүргүзиду?
Худа Падишалиғи қандақ ишларни қилиду?
Немә үчүн Худа Падишалиғини һазир қоллап-қувәтлишимиз керәк?
Худа Падишалиғи дегән немә?