2015-жили Вәзичиләр мәктиви тәлим бериш маһаритимизни риваҗландурушқа ярдәм бериду

¹ Зәбур язғучиси Давут пәйғәмбәр мошундақ дәп язған еди: «Әй Пәрвәрдигарим, мениң Қорам Тешим вә Һәмҗәмәт-Ниҗаткарим, ағзимдики сөзләр, қәлбимдики ойлинишлар нәзәриңдә мәқбул болғай!» (Зәб. 19:14). Бизму хизмәттә вә жиғинда һәқиқәт тоғрилиқ сөзләш шан-шәрәпини баһалиғачқа, сөзлиримизниң Йәһваға йеқимлиқ болушини халаймиз. Вәзичиләр мәктиви арқилиқму Йәһва Худа бизни хизмәткә тәйярлайду. Бу оқуш һәр һәптидә дуния йүзи бойичә 111 000дин артуқ жиғинда өтиду. Бу мәктәп һәртүрлүк бурадәр вә қериндашларни келип чиқишидин қәтъий нәзәр, хуш хәвәрни җакалашқа, шундақла ишәнч, һөрмәт вә җасурлуқ билән тәлим бериш үчүн қабилийәтлик болушқа ярдәм бериду (Әлч. 19:8; Кол. 4:6).

² 2015-жили мәктәп программисиға «Муқәддәс Китап. Мәдһийә тәрҗимисиниң» «Худа Сөзи билән тонушуш» бөлүмидики мавзулар һәм «Муқәддәс Китап һекайилири» китавидики мәлуматлар киргүзүлди. Шундақла Муқәддәс Китаптики пайдилиқ пикирләргә вә 1-тапшуруққа берилгән вақит өзгәртилди. Бу өзгиришләр вә мәктәп бөлүмлириниң қандақ өтүдиғанлиғи төвәндики абзацларда муһакимә қилиниду.

³ Муқәддәс Китаптики пайдилиқ пикирләр. Бу бөлүмни өткүзидиған бурадәрләр икки минутниң ичидә шу һәптидә оқушқа берилгән баплардин пәқәт бир қизиқ һәм пайдилиқ пикиргә диққәт қилиду. Яхши тәйярлиқ қилиш арқилиқ берилгән вақит ичидә муһим пикир билән бөлүшүшкә болиду. Кейин жиғин әзалириға адәттикидәк алтә минут вақит берилиду. Улар 30 секунд яки буниңдинму аз вақитта шу һәптидә оқулған баплардин қизиқ ой-пикирләр билән бөлүшәләйду. 30 секундниң ичидә мәналиқ изаһ бериш үчүн яхши тәйярлиқ вә тәртип һаҗәт. Бу биз үчүн яхши мәшиқ болалайду. Шундақла башқиларға издиниш жүргүзгәнлигиниң нәтиҗилири билән бөлүшүшкә имканийәт беримиз.

⁴ №1-тапшурма. Муқәддәс Китапни оқушқа берилгән вақит үч минут яки азирақ болиду, чүнки оқулидиған мәлумат қисқартилди. Мошу тапшуруқни орунлиғучилар пикирләрни чүшинишлик қилип йәткүзүп, судәк оқуш үчүн тәләппүзигә алаһидә диққәт бөлүп, мәтинни үнлүк оқуп, бирнәччә қетим мәшиқ қилиши керәк. Саватлиқ оқуш ибадитимиздә муһим рольни атқурғачқа, Йәһва Худаниң хәлқидики һәрбир адәм саватлиқ оқушқа интилиши керәк. Жиғиндики балиларниң көпинчиси саватлиқ оқалайдиғини бизни хошал қилиду. Балилириға у тәрәптин көйүмчанлиқ билән ярдәм қиливатқан ата-анилар махташқа лайиқ.

⁵ №2-тапшурма. Бу бәш минутлуқ тапшурма қериндашқа берилиду. Бу қериндаш берилгән мавзу бойичә тәйярлиниши керәк. Әгәр тапшурма «Муқәддәс Китап. Мәдһийә тәрҗимисиниң» «Худа Сөзи билән тонушуш» бөлүмидики мавзуларға яки «Муқәддәс Китап һекайилиригә» асасланған болса, әмәлий вә тәбиий болуши үчүн мәлумат вәзиниң бир түридә қоллинилиши керәк. Мәктәп назарәтчиси униңға шерик тайинлайду.

⁶ №3-тапшурма. Бу бәш минутлуқ тапшурма бурадәргә яки қериндашқа берилиду. Тапшурма қериндашқа берилгән болса, у 2-тапшурмидәк орунлиниши керәк. Әгәр тапшурма бурадәргә берилсә, тапшурма тиңшиғучиларға қаритилған нутуқ сүпитидә ейтилиду. Орунлиғучи берилгән мавзуға мувапиқ айәтләрни таллап, немигә үгинишкә болидиғинини көрситиши керәк.

⁷ Бурадәрләргә берилидиған №3-тапшурмиға тегишлик йеңи көрсәтмиләр. Тапшурма «Муқәддәс Китап. Мәдһийә тәрҗимисиниң» «Худа Сөзи билән тонушуш» бөлүмидики мавзуларға асасланған болса, шәртлик вәзийәт аиләвий ибадәт яки вәз ейтиш хизмәт сүпитидә көрситилиши керәк. Адәттә, мәктәп назарәтчиси ярдәмчини һәм шәртлик вәзийәтни бәлгүләйду. Ярдәмчи сүпитидә аилә әзаси яки жиғиндики бурадәрләрниң бири болалайду. Мавзу билән бағлиқ Муқәддәс Китапниң принциплирини чүшәндүридиған қошумчә айәтләрни пайдилинишқа болиду. Бәзидә бу тапшурмини ақсақалларғиму беришкә болиду. У ярдәмчи билән вәзийәтни өзи таллиса болиду. Ақсақалларниң аилә әзасиға яки жиғиндики бурадәрләрниң биригә маһирлиқ билән тәлим бериватқанлиғини көрүш жиғин әзалириға илһам берәләйдиғини шүбһисиз.

⁸ Мәслиһәт. Һәр орунлиғучи тапшурмини орунлап болғандин кейин, мәктәп назарәтчисиниң уни махташқа һәм «Вәзичиләр мәктивидә үгинимиз» китавиға асасланған мәслиһәтни беришкә икки минут вақти бар. У орунлиғучини елан қилғанда, орунлаватқан дәрисини ейтмайду. Һәрбир тапшурмидин кейин назарәтчи орунлиғучини сәмимий махтап, орунлаватқан дәрисини ейтиду. Шундақла униң дәристики мәслиһәтләрни қандақ яхши пайдиланғанлиғини яки немишкә униңға йәнә дәрисни орунлашни давамлаштуруш керәклигини силиқ чүшәндүриду.

⁹ Мәслиһәт бланкини һәрбир үгәнгүчи өзиниң шәхсий «Вәзичиләр мәктивидә үгинимиз» (рус.) китавиниң 79—81 бәтлиридә тапалайду. Орунлиғучи тапшурмини орунлап болғандин кейин, мәктәп назарәтчиси униң китавидики мәслиһәт бланкиға бәлгү қоюп, берилгән дәрискә тегишлик көнүкмиләрни қандақ орунлиғинини шәхсән өзидин сорайду. Орунлиғучини махтап, униңға пайдилиқ мәслиһәтләрни жиғиндин кейин яки башқа вақитта беришкә болиду. Һәр бир орунлиғучиға шәхсән көңүл бөлүш уларниң роһий җәһәттин өсүшигә ярдәм қилиду (Тим. 1-х. 4:15).

¹⁰ Әгәр орунлиғучи тапшурмисини вақтида аяқлаштурмиса, мәктәп назарәтчиси яки униң ярдәмчиси орунлиғучини бир ишарәт арқилиқ тохтитиши керәк. Мәсилән, у қоңғурақ челип яки башқа бәлгү билән вақитниң чиққанлиғини көрситиду. Орунлиғучи җүмлини аяқлаштуруп, сәһнидин кетиши керәк («Вәзичиләр мәктивидә үгинимиз» (рус.) китавиниң 282-бетидики 4-абзацқа қараң.).

¹¹ Тәләпләргә лайиқ болғанларни вәзичиләр мәктивигә йезилишқа тәклип қилимиз («Вәзичиләр мәктивидә үгинимиз» (рус.) китавиниң 282-бетидики 6-абзацқа қараң.). Худа хәлқи бу мәктәп арқилиқ Падишалиқ һәққидики Хуш хәвәрни ишәнч, һөрмәт вә меһир-муһәббәт билән вәзә қилишқа үгиниватиду. Шүбһисиз, вәзичиләр мәктивидә билим алғанларниң һәммиси Йәһва Худани мәдһийилигәндә, У интайин хурсән! (Зәб. 148:12, 13; Йәшая 50:4).