Хизмәттә вақитни даналиқ билән пайдилиниң
2014-хизмәт жили Йәһва гувачилири хизмәттә 1 945 487 604 саат өткүзди — бу бизниң Йәһва Худаға хизмәт билән бәнт болушта мәккәм туруватқинимизниң ярқин дәлили (Зәб. 110:3; Кор. 1-х. 15:58). «Қалған вақит қисқирап» кәткәнлигини билгән екәнмиз, көпирәк адәмләргә гувалиқ бериш үчүн, хизмәттики вақтимизни қәдирләләймизму? (Кор. 1-х. 7:29).
Хизмәттә вақтимизни үнүмлүк қоллиниш үчүн әвришимлик керәк. Мәсилән, әгәр сиз хизмәтниң қандақту бир түригә қатнишип, бир саат яки униңдинму көп вақит давамида һечким билән сөзлишәлмисиңиз бирәр нәрсини өзгәртәләмсиз? Әлвәттә, вәзийәтләр һәр түрлүк болиду, лекин төвәндики мәслиһәтләр «һавани муштумлиғандәк» һәрикәт қилмаслиғимиз үчүн вақтимизни үнүмлүк қоллинишқа ярдәм бериду (Кор. 1-х. 9:26).
Өйму-өй вәзә қилиш. Көплигән жиллар бойи җакалиғучилар хизмитини өйму-өй вәзә қилиштин башлап келиватиду. Амма, күндүзи адәмләрниң көпинчиси ишта болғачқа, кәчқурун улар өйдә болуп, дәм алғанда барсиңиз боламду? Кочиларда яки җәмийәтлик орунларда күндүзи вәзә қилиш яхши нәтиҗиләрни елип келиду.
Қайта йолуқуш яки Муқәддәс китапни оқуп-үгиниш. Қайта йолуқуш вә Муқәддәс китапни оқуп-үгинишләрни хизмәтниң башқа түрлири үнүмсиз болуватқан вақитқа өзгәртәләмсиз? Мәсилән, шәнбә күни әтигәндә өйму-өй хизмәт үнүмлүк болса, Муқәддәс китапни оқуп-үгинишни чүштин кейин яки кәчқурун өткүзәләмсиз?
Әлвәттә, хизмәттә болған вақтимизниң һәммисини һесаватимизға язалаймиз, бирақ хизмитимиз нәтиҗилик болса, хошаллиғимиз ешип ташиду. Әгәр хизмәтниң бәлгүлүк бир түри қандақту бир вақитта қолайсиз болса, хизмәтниң башқа түрини синап беқиң. Хизмәттики вақитни барчә үнүмлүк пайдилиниш үчүн, «һосулниң Егиси» Йәһваға дуа қилип, рәһбәрлик сораң (Мәт. 9:38).