Уддул тәклип қилиш
1. Конгрессқа тәклип қилиш паалийити қачан башлиниду?
1 Сиз уруқ-туққан яки достлириңиз үчүн алаһидә бир таам тәйярлашни орунлаштуридиғанлиғиңизни вә буниңға күч билән вақитни сәрип қилидиғиниңизни тәсәввур қилип көрүң. Шүбһисизки, сиз уларни хурсәнлик билән өйүңизгә тәклип қилисиз. Шуниңға охшаш йеқинда болудиған конгресстики роһий зияпәтни тәйярлашқа хелә күч чиқирилди. Үч күнлүк конгрессниң башлинишидин авал үч һәптә мабайинида биз адәмләрни униңға тәклип қилимиз. Бу мәртивилик ишни бизгә Йәһва Худа тапшуруватиду. Бизгә мошу тәклипни хошаллиқ билән тарқитишқа немә ярдәм бериду?
2. Бизни паалийәткә толуқ мөлчәрдә қатнишишқа немә дәвәт қилиду?
2 Паалийәткә (кампанияға) толуқ мөлчәрдә қатнишиш үчүн, Йәһва Худаниң бериватқан кәрсәтмилири биз үчүн қанчилик пайда әкелидиғини һәққидә миннәтдарлиқ билән мулаһизә қилиш муһим (Йәш. 65:13, 14). Шундақла жиллиқ паалийәттин келиватқан нәтиҗиләр һәққидә әсләп турушимиз керәк («Паалийәтниң нәтиҗилири» рамкисиға қараң). Әлвәттә, тәклип қилинғанларниң һәммиси кәлмисиму, бәзилири келиши мүмкин. Келидиған адәмләр аз болсиму, биз паалийәткә қизғин қатнишип Йәһва Худани мәдһийиләймиз вә Униң мәртлиги рошән болиду (Зәб. 145:3, 7; Вәһ. 22:17).
3. Үч күнлүк конгрессқа биз адәмләрни қандақ тәклип қилимиз?
3 Тәклип қандақ болидиғинини — мәсилән, өйидә болмиған кишиләрни тәклип қилиш яки қилмаслиқ, болмиса җамаәт участкилирида хизмәт қилғанда тәклипнамә вариғини тарқитиш-тарқатмаслиқни — һәр бир җамаәтниң ақсақаллар кеңәши қарар қилиду. Дәм елиш күнлири журнал билән хизмәт қилғанда, әгәр орунлуқ болса, конгрессқа тәклип қилсақ болиду. Паалийәтниң ахирида қизғинлиқ билән иштирак қилғинимизни билип вә Йәһва биз үчүн тәйярлиған зияпәткә нурғун адәмләрниң кәлгинини көрүп, қанчилиқ хурсән болимиз-һә!