Хизмәт маһаритимизни мукәммәлләштүримиз. «Худадин кәлгән хуш хәвәр!» китапчисини қоллинип, ишик алдида Муқәддәс китапни тәтқиқ қилишни башлаш
Бу немишкә муһим? Шагиртларни тәйярлаш үчүн биз Худа Сөзи тоғрисида тәлим беришимиз керәк (Мәт. 28:19, 20). Һәрбиримиз қолимиздики қуралларни пайдилинип, һәқиқәт тоғрисида нәтиҗилик тәлим берәләймиз. «Худадин кәлгән хуш хәвәр!» китапчиси башқиларға һәқиқәт тоғрисида тәлим беришимизгә ярдәм қилиш мәхсити билән нәшир қилинған. Биз бу китапчини өй егисигә биринчи қетим йолуққанда ишик алдида Муқәддәс китапни тәтқиқ қилишни башлаш үчүн қоллиналаймиз.
Мошу айда мундақ қилип көрүң:
Тәтқиқ қилишни өткүзүш арзуюңиз һәққидә дуа қилиң. Шундақла Йәһва Худадин Муқәддәс китапни тәтқиқ қилишни башлаш вә һәқиқәт тоғрисида үнүмлүк тәлим бериш үчүн ярдәм сораң (Флп 2:13).
Аиләвий ибадәттә яки шәхсий тәтқиқатта тәвсийәни жүригиңизгә сиңдүрүш үчүн вақит бөлүң. Шу арқилиқ сиз ишәшлик сөзләп, ишик алдида Муқәддәс китапни тәтқиқ қилишни башлалайсиз.