Сөһбәтни башлашқа арналған йеңи сәрләвһә

2016-жилниң январь ейидин башлап көпчиликкә арналған «Күзитиш мунариниң» (рус.) ахирқи бетидә «Муқәддәс китапта немә йезилған?» намлиқ сәрләвһә чиқидиған болиду. Бу сәрләвһә адәмләр билән Муқәддәс китапқа асаслинип сөһбәт башлаш үчүн чиқирилған. Түзилиши җәһәттин бу сәрләвһә варақчиларға охшайду. Униңда адәмниң ой-пикрини билиш үчүн соал қоюлуп, Муқәддәс китаптин берилгән җавап йезилиду, андин муһакимә қилиш үчүн берилгән қошумчә ойлар кәлтүрүлгән.

Муқәддәс язмиларниң асасидики сөһбәтләр пат-пат Муқәддәс китапни тәтқиқ қилишқа айлинип кетиду. Мошу сәрләвһә сизгә көплигән адәмләрниң роһий еһтияҗини қандурушқа ярдәмлишиду дәп үмүт қилимиз (Мт 5:6).

БУ СӘРЛӘВҺИНИ ҚАНДАҚ ҚОЛЛИНИШҚА БОЛИДУ?

1. Өй егисигә сәрләвһидә кәлтүрүлгән соалларниң бирсини қоюп, униң пикрини сорап көрүң

2. Җававини диққәт қоюп аңлаң

3. «Муқәддәс китапта мундақ йезилған» намлиқ кичик мавзу астидики айәтни оқуң вә униң ойини сорап көрүң. Әгәр вақти болса, «Муқәддәс китапта йәнә немә йезилған?» дәп атилидиған кичик мавзудики ойларни муһакимә қилип, сөһбәтни давамлаштурушқа болиду

4. Бу журнални торбәттин көчиривелишқа болидиғанлиғини ейтиң

5. Иккинчи соални қараштуруп чиқиш үчүн келәрки қетим учришишқа келишивелиң