«Муқәддәс китаптин немигә үгинимиз?» китавини қоллиниш

«Муқәддәс китапта немә ейтилиду?» китави билән уйғур тилида техи нәшир қилинмиған «Муқәддәс китаптин немигә үгинимиз?» китавидики тәлимләр вә мавзулар тәртиви охшаш. Лекин «Муқәддәс китаптин немигә үгинимиз?» китавиниң сөзлири аддий вә чүшинишкә оңай йезилған. Бу әдәбият «Муқәддәс китапта немә ейтилиду?» китавини чүшиниш қийин болған адәмләргә арналған. Китапниң ахирида қошумчә изаһәтниң орниға бәзи сөзләр вә ибариләрниң изаһи кәлтүрүлгән. Шуниң билән бапларда киришмә соаллар вә тәкрарлашқа арналған рамкилар йоқ. Униң орниға, һәрбир бапниң ахирида қараштурулған Муқәддәс китап һәқиқәтлириниң қисқичә мәзмуни бар. Мошу айда тарқитилидиған әдәбиятларниң қатарида болмисиму, «Муқәддәс китапта немә ейтилиду?» китавиға охшаш, «Муқәддәс китаптин немигә үгинимиз?» китавиниму хизмәттә һәрдайим тәғдим қилалаймиз. Мошу китапни тәтқиқ дәрисини өткүзгәндә қандақ пайдилинишқа болиду? Келиң, униң бирнәччә алаһидилигини қараштурайли.

ҚИСҚИЧӘ МӘЗМУН. Адәттә «Муқәддәс китапта немә ейтилиду?» китавини тәтқиқ қилғанда, авал абзацни оқуп, кейин соални қоюмиз. Бирақ бәзи адәмләр тилни яхши билмәслиги яки яхши оқалмаслиғи мүмкин. Мундақ вәзийәттә, сиз «Муқәддәс китаптин немигә үгинимиз?» китавини пайдилансиңиз болиду. Тәтқиқни «қисқичә мәзмун» рамкисиниң асасида өткүзүп, асасий мәтинни болса, адәмниң өзи оқуп чиқиши мүмкин. Муқәддәс китапниң бир һәқиқитини қараштурушқа 15 минуттәк вақит бөлүнсә болиду. Қисқичә мәзмундики бәзи ойлар асасий мәтиндә кәлтүрүлмигәнликтин, җакалиғучи қизиққучиниң еһтияҗлирини әстә тутуп, дәрискә яхши тәйярланғанлиғи муһим. Әгәр тәтқиқ дәриси асасий мәтин бойичә өткүзүлсә, қисқичә мәзмундики ойларни мәлуматни қайтилаш үчүн пайдилинишқа болиду.

ИЗАҺЛАР. Изаһлардики сөзләр вә ибариләр асасий мәтиндики новәт билән кәлтүрүлгән. Җакалиғучи тәтқиқ дәрисидә изаһлардики сөзләрни пайдилиниш-пайдиланмаслиғини өзи қарар қилалайду.