Вәз қилиш маһаритимизни ашуримиз. Адәмгә қайта йолуқуш

БУ НЕМИШКӘ МУҺИМ? Падишалиқ һәққидики хәвәргә қизиқиш билдүридиған көп адәмләр Худа тоғрилиқ һәқиқәтни билгүси келиду (Йша 55:6). Шу адәмләргә Худа тоғрилиқ көпирәк билишкә ярдәм бериш үчүн қайта-қайта берип туришимиз керәк. Һәрбир адәмниң вәзийити һәр түрлүк болғанлиқтин, қизиқишини риваҗландурушниң йолиму һәрхил. Әгәр һәрбир қайта йолуқушқа яхши тәйярлиқ қилсақ, немә һәққидә сөзлишидиғанлиғимизни ойлаштурсақ вә Муқәддәс китапни тәтқиқ қилишни башлашқа мәхсәт қойсақ, хизмитимиз нәтиҗилик болиду.

БУНИҢ ҮЧҮН НЕМӘ ҚИЛИШ КЕРӘК?

• Адәмгә мүмкинқәдәр тезирақ, мәсилән бирнәччә күндин кейин беришқа тиришиң (Мт 13:19).

• Достанә вә һөрмәтлик муамилә қилиң. Өзүңизни әркин тутуң.

• Иллиқ саламлишиң. Сөзләшкәндә, униң исмини ейтишқа тиришиң. Кәлгән мәхситиңизни есиға селиң. Бәлким, соалға җавап беришни, ахирқи чиққан журнални, торбетимизни, видеони яки Муқәддәс китапни тәтқиқ қилиш дәриси қандақ өтидиғанлиғини көрситишкә вәдә қилғансиз. Әгәр уни башқа мавзу қизиқтурса, шу һәққидә сөзлишишкә тәйяр болуң (Фп 2:4).

• Адәмниң қәлбигә терилгән һәқиқәт уруғини суғуруш үчүн Муқәддәс Язмилардики ойлар билән бөлүшүң, мүмкин болса, әдәбиятни елип келиң (К1х 3:6). Униң билән достлишишқа тиришиң.

• Келәрки қетим йолуқуш үчүн асас селиң.