«Лутниң аялини әстә тутуңлар»

Лутниң аяли Содомдин чиқип кетиватқанда немә үчүн кәйнигә қариди? Муқәддәс китап бу тоғрилиқ ейтмайду (Яр 19:17, 26). Әйсаниң агаһландурушидин көрүнгәндәк, у мал-мүлкисидин айрилғуси кәлмигән болуши мүмкин (Лқ 17:31, 32). Лутниң аялиға охшаш, Худаниң мақуллишидин айрилмаслиғимиз үчүн немә қилишимиз керәк? Маддий нәрсиләр биринчи орунда болушиға йол қоймаслиғимиз керәк (Мт 6:33). Әйса мундақ дегән: «Худаниң һәм байлиқниң қули болалмайсиләр» (Мт 6:24). Әгәр маддий нәрсиләр роһий ишлиримизға тосалғу болуватқанлиғини байқап қалсақчу? Йәһвадин немини өзгәртишимиз керәклигини көрүш үчүн дуада зерәклик вә шуниңға лайиқ һәрикәт қилишқа җасурлуқ вә күч соришимиз керәк.

ҮЧ ҚИСИМДИН ИБАРӘТ БОЛҒАН «ЛУТНИҢ АЯЛИНИ ӘСТӘ ТУТУҢЛАР» (РУС) НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• 

  Глорияниң көп пул тепишни халиғанлиғи униң ойиға, сөзлиригә вә жүрүш-турушиға қандақ тәсир қилди?

• Лутниң аялидин қандақ савақ алимиз?

• Джоға вә униң аилисигә Муқәддәс китапниң принциплирини қоллинишни қандақ ярдәм бәрди?

• Хизмәтдашлири билән йеқин алақә қилиши Аннаниң роһий кәйпиятиға қандақ тәсир қилди?

• Башқилар пулниң муһимлиғиға көз йәткүзүшкә тиришса, униңға қарши туруш үчүн немишкә җасурлуқ керәк?

• Брайан вә Глория қандақ қилип роһий нәрсиләрни қайтидин биринчи орунға қоюшқа башлиди?

• Бу видео Муқәддәс китапниң қайси принциплирини есиңизға селип қойди?