Вәз қилиш маһаритимизни ашуримиз. JW.ORG торбетини пайдилинишни үгиниш

БУ НЕМИШКӘ МУҺИМ? Тәлим бериш қураллириға киргән һәрқандақ әдәбиятлиримизни jw.org. торбетидә тепишқа болиду. Алақә қилиш карточкиси вә «Әң муһим соалларниң җаваплирини қәйәрдин тапалаймиз?» намлиқ варақчиниң асасий мәхсити — адәмләрни бизниң торбетимиз билән тонуштуруш. Биз jw.org. торбетимизни пайдилинип, тәлим бериш қураллириниң бирсини электронлуқ хәт арқилиқ әвәтсәк болиду яки торбетимиздики уланмилар билән бөлүшсәк болиду. Бу болупму башқа тилда сөзләйдиған адәмгә гувалиқ беришкә ярдәм бериду. Униңдин ташқири, бәзибир адәмләр тәлим бериш қураллириға кирмигән әдәбиятлардики соалларни бериши мүмкин. Әгәр торбетимизни яхши пайдилинишни билсәк, хизмитимиз техиму нәтиҗилик болиду.

БУНИҢ ҮЧҮН НЕМӘ ҚИЛИШ КЕРӘК?

• 

  «МУҚӘДДӘС КИТАП ТӘЛИМЛИРИ» бөлүмини пайдилиниң. Мәсилән, сиз бала тәрбийиләш һәққидә көпирәк билгүси кәлгән ата-аниға гувалиқ бериватсиз дәйли. МУҚӘДДӘС КИТАП ТӘЛИМЛИРИ > НЕКА ВӘ АИЛӘ дегән йәргә қараң.

• «НӘШИРЛӘР» бөлүмини пайдилиниң. Сиз синипдишиңиз билән сөзлишип, униңға «Яшларни қизиқтуридиған 10 соал» намлиқ китапчиниң уланмисини әвәткүңиз келиду дәйли. НӘШИРЛӘР > КИТАПЛАР ВӘ КИТАПЧИЛАР дегән йәргә қараң.

• «БИЗ ҺӘҚҚИДӘ» бөлүмини пайдилиниң. Етиқадиңизға қизиққан хизмәтдишиңизға гувалиқ бериватсиз дәйли. БИЗ ҺӘҚҚИДӘ > КӨПЧИЛИКНИ ҚИЗИҚТУРИДИҒАН СОАЛЛАР дегән йәргә қараң.

«JW.ORG ТОРБЕТИНИ ПАЙДИЛИНИШНИ ҮГИНИШ» (РУС) НАМЛИҚ ВИДЕОНИ КӨРҮП, СӨҺБӘТ ҚИЛИШҚА ТОРБЕТИМИЗДИКИ ҚАЙСИ МӘЛУМАТ ЯРДӘМ БЕРИДИҒАНЛИҒИНИ ОЙЛИНИҢ:

• Худаға ишәнмәйдиған кишигә

• Йеқинда паҗиәгә дуч кәлгән кишигә

• Паалсиз җакалиғучиға

• Бизниң паалийитимиз қандақ мәбләғләндүрүдиғанға қизиққан кишигә

• Туғулған йеридә җамаәт учришишиға беришни халиған чәт әллик кишигә