Сиз Худаниң көзгә көрүнмәйдиған есил пәзиләтлирини көрәләмсиз?

Сиз чирайлиқ гүлгә, чоң шақиратмиға яки асмандики юлтузларға қариғанда, буларниң һәммисини ким яратти дәп ойлайдиғансиз? Гөзәл тәбиәт мәнзирлири Худаниң көзгә көрүнмәйдиған есил пәзиләтлирини очуқ көрситиду (Рм 1:20). Көзүмиз көргән нәрсиләр һәққидә мулаһизә қилиш үчүн вақит бөлсәк, Худаниң күчи, меһир-муһәббити, даналиғи, адаләтлиги вә мәртлигини көрәләймиз (Зб 104:24).

Сиз һәр күни Йәһва яратқан қандақ мәвҗудатларға диққәт ағдурисиз? Чоң шәһәрдә яшисиңизму, сиз қушлар вә дәрәқләргә сәп селип қарисиңиз болиду. Йәһваниң яратқан мәвҗудатлириға диққәт қилсиңиз, өз қийинчилиқлириңиз һәққидә азирақ ғәм қилишқа вә улардинму муһим нәрсиләргә диққәт қилишқа ярдәм бериду. Шундақла, Йәһваниң сизгә мәңгү ғәмхорлуқ қилидиғанлиғиға ишәнчиңиз күчийиду (Мт 6:25—32). Балиңиз болса, униңға Худаниң әҗайип есил пәзиләтлирини көрүшкә ярдәм бериң. Әтрапимиздики әҗайип мәвҗудатлар үчүн миннәтдар болғансири, Яратқучиға техиму йеқин болисиз (Зб 8:3, 4).

«ӘҖАИЙП МӘВҖУДАТЛАР ХУДАНИҢ УЛУҚЛИҒИНИ НӘМАЯН ҚИЛИДУ. НУР ВӘ РӘҢ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• Бизгә рәңләрни пәриқләндүрүшкә немә ярдәм бериду?

• Рәң өзгириши қандақ пәйда болиду?

• Немә үчүн асманда һәр түрлүк рәңләрни көрүшкә болиду?

• Сиз қандақ чирайлиқ рәңләрни яқтурисиз?

• Әтрапимиздики тәбиәттин һузурлиниш үчүн вақит чиқириш немә үчүн муһим?