Шәхсий үгинишиңиз техиму үнүмлүк болсун

БУ НЕМӘ ҮЧҮН МУХИМ? Муқәддәс китапни шәхсий үгиниш һәқиқәтниң «кәңлик, узунлуқ, егизлик һәм чоңқурлуғини» чүшинишкә ярдәм бериду (Әф 3:18, УМКҖ). Шундақла, шәхсий үгиниш бу зулум дунияда әйипсиз, нуқсансиз болуп қелишқа вә «һаятлиқниң сөзини мәһкәм» тутушқа ярдәм бериду (Фп 2:15, 16). Шәхсий үгиниш өзүмизгә керәк болған мәлуматни тепишқа имканийәт яритиду. Муқәддәс китапни оқушқа вә үгинишкә қандақ қилип көпирәк вақтимизни чиқиралаймиз?

МӘХСӘТКӘ ҚАНДАҚ ЙЕТӘЛӘЙСИЗ?

• Шәхсий тәтқиқ қилғанда, ишләткән Муқәддәс китавиңиз басма нусха яки электронлуқ нусха болсун, айәтләрни сизип қоюң вә муһим ой-пикирлириңизни йезип қоюң

• Муқәддәс китапни оқуғанда өзүңизгә төвәндики соалларни қоюң: Ким? Немә? Қачан? Кәйәрдә? Немә үчүн? Қандақ?

• Бар издиниш қураллиридин пайдилинип, мавзу яки айәт асасида издинип, дәлил-испатларни тепиң

• Оқуғанлириңизни әмәлий турмушиңизда қандақ қоллинишқа болидиғанлиғи һәққидә чоңқур мулаһизә қилиң

• Үгәнгәнлириңизни һәр күни қоллиниң (Лқ 6:47, 48)

«ҮНҮМЛҮК ШӘХСИЙ ҮГИНИШ АРҚИЛИҚ “ҺАЯТЛИҚ СӨЗИНИ МӘҺКӘМ ТУТУҢЛАР”» НАМЛИҚ ВИДЕОНИ КӨРСИТИП, ТӨВӘНДИКИ СОАЛЛАРҒА ҖАВАП БЕРИҢ:

• Видеодики һәрбир қериндаш шәхсий үгиниши һәққидә немә дәйду?

• Һәр қетим шәхсий үгинишни башлаштин бурун, немә үчүн дуа қилишимиз керәк?

• Муққәдәс китаптики мәлүм бир бөләк мәзмунни яхширақ чүшиниш үчүн, бизгә немә ярдәм берәләйду?

• Муқәддәс китавимизға қандақ бәлгүләрни салсақ болиду?

• Худа Сөзини оқуғанда немә үчүн мулаһизә қилиш муһим?

• Үгәнгәнлириңизни әмәлий турмушиңизда қандақ қоллиналайсиз?