Ялған гәпләрни тарқитиштин пәхәс болуң

Бүгүнки күндә мәлумат китап-журналлар, радио, телевизия вә интернет арқилиқ чапсан тарқилип кетиду. Һәқиқәтниң Худаси Йәһваға хизмәт қилғучилар һечқачан, һәтта билмәстин ялған мәлуматни тарқитишни халимайду (Зб 31:5; Чқ 23:1). Натоғра мәлумат еғиздин еғизға өтүп, ахирида көп зиян әкелиши мүмкин. Мәлуматниң һәқиқәт екәнлигини ениқлаш үчүн өзүңиздин мундақ дәп сораң:

• «Бу мәлуматни ишәнчлик адәм ейттиму?» Бу мәлуматни ейтқан адәм вақиәни тәпсилий билмәслиги мүмкин. Еғиздин еғизға өтидиған һекайә өзгириши еһтимал. Шу сәвәптин, һекайиниң мәнбәсини билмисәк, пәхәс болушимиз керәк. Җамаәттики мәсъулийәтлик қериндашларға ишәнч қилинғанлиқтин, улар тәкшүрүлмигән мәлуматни тарқитиштин техиму пәхәс болуши керәк.

• «Бу төһмәтму?» Бу мәлумат бирсиниң яки бир топ кишиләрниң абройини чүшәрсә, уни башқиларға ейтмаслиғимиз керәк (П.н 18:8; Фп 4:8).

• «Бу мәлумат әқилгә мувапиқму?» Наһайити һаяҗанландуридиған һекайиләрни яки вақиәләрни аңлиғанда, пәхәс болуң.

«ҒЕВӘТТИН НЕРИ БОЛУҢ!» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• 

  Пәнд-нәсиһәтләр 12:18дики айәтләргә асасән, гәп-сөзләр қандақ зиян кәлтүрүши мүмкин?

• 

  Филипиликләргә 2:4тики принцип башқилар һәққидә сөзлигәндә дана болушимизға қандақ ярдәм бериду?

• 

  Башқилар тоғрилиқ кинайилик яки адәмни пәсләштүридиған сөзләрни аңлиғанда немә қилишимиз керәк?

• 

  Башқилар тоғрилиқ сөз қилиштин авал өзүмизгә қандақ соалларни қоюшимиз лазим?