Йәһва бизни яхши көргәнликтин тәрбийиләйду

Тәрбийә пәқәт нәсиһәт бериш вә үгитишни әмәс, бәлки тәртипкә селиш вә җазалашниму өз ичигә алиду. Биз Йәһва Худаға Униңға яқидиған усулда ибадәт қилишимиз үчүн, У бизни тәрбийиләйду (Рм 12:1; Иб 12:10, 11). Бәзидә тәрбийә еғир келиши мүмкин, лекин У һәққанийлиққа йетәкләп, бәрикәтләргә ериштүриду (П.н 10:7). Ундақта тәрбийә беридиғанлар вә тәрбийә алидиғанлар немини әстә тутуши керәк?

Тәрбийә беридиғанлар. Ақсақаллар, ата-анилар вә башқилар Йәһва Худадин үлгә елип, меһир-муһәббәт вә меһрибанлиқ билән тәрбийә беришкә тиришиду (Йр 46:28). Һәтта җаза берилгәндиму, у қилинған ишқа мувапиқ болуши вә меһир-муһәббәткә асаслиниши муһим (Тт 1:13).

Тәрбийә алидиғанлар. Тәрбийә мәйли қандақ түрдә болсун, уни рәт қилмай, әксинчә униңға дәрру әмәл қилишимиз керәк (П.н 3:11, 12). Намукәммәл болғанлиқтин, һәммимиз тәрбийигә муһтаҗ. Тәрбийиниң нурғун түрлири бар. Мәсилән, Муқәддәс китапта оқуған яки учришишта аңлиған ойлар арқилиқ тәрбийә елишимиз мүмкин. Йә болмиса, бәзилиримизгә Сот комитети тәрипидин түзитиш берилидиғанду. Тәлим-тәрбийигә қулақ салсақ, буниң көп пайдисини көрүп, мәңгү яшалаймиз (П.н 10:17).

«ЙӘҺВА КИМНИ ЯХШИ КӨРСӘ, ШУНИ ТӘРБИЙИЛӘЙДУ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• 

  Кэнонниң балилиқ чеғи қандақ болған, лекин униң һаяти қандақ өзгәрди?

• 

  Йәһва Худа уни меһир-муһәббәт билән қандақ түзәтти?

• 

  Кэнонниң мисалидин қандақ савақ алимиз?