МӘСИҺИЙ ҺАЯТИМИЗ
Тордики достлириңиз ким екәнлигини биләмсиз?
Достлар бир-биригә меһир-муһәббәт вә һөрмәт көрситиду. Мәсилән, Давут Ғолиятни өлтәргәндин кейин, Йонатан билән Давут яхши дост болуп кәткән (С1я 18:1). Һәр иккилиси бир-биригә яқидиған хисләтләрни көрсәткән. Шуңлашқа, достлуқ мәһкәм болуш үчүн бир-бирини яхши билиш муһим. Буниң үчүн көп вақит билән күч чиқириш керәк. Амма иҗтимаий алақә торида бирсини бир дәқиқидә «достлар» қатариға қошушқа болиду. Чүнки торда адәм ейтқан сөзлирини алдин ала ойлап, өзини пәқәт яхши тәрәптин көрситип, һәқиқәтән қандақ адәм екәнлигини оңай йошуралайду. Шуңа торда ким билән дост болушиңизни яхши таллаң. Әгәр натонуш киши сиз билән дост болушни халиса, униң көңлигә қаримай, бу достлуқни рәт қилиштин қорқмаң. Бәзилири шундақ хәвп-хәтәр бар екәнлигини билип, иҗтимаий алақә торини һәргиз пайдиланмаслиқни тоғра көргән. Әгәр сиз иҗтимаий алақә торини ишләтсиңиз, немини әстә тутқан яхши?
«ИҖТИМАИЙ ТОРЛАР» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:
Интернетқа сүрәтләрни чиқириш яки оюңизни йезиштин авал немә тоғрилиқ ойлинишиңиз керәк?
Немишкә торда достларни диққәт қоюп таллаш керәк?
Иҗтимаий алақә торда өткүзидиған вақтиңизға немә үчүн чәк қоюшиңиз керәк? (Әф 5:15, 16)