МӘСИҺИЙ ҺАЯТИМИЗ
Җиддий әһвалларға һазирниң өзидин башлап тәйярлиниң
Немә үчүн тәйярлиниш керәк? Биз туюқсиз җиддий давалинишқа яки дохтурға йетип қелишқа муһтаҗ болуп қелишимиз мүмкин. Шуниң үчүн тәсадипий әһвал йүз бәрмәй туруп һазирниң өзидин тәйярлиқ қилиң. Шуңа керәк болуп қалса, сиз әң яхши давалашқа еришәләйсиз. Шундақ қилғиниңизда сиз һаятқа вә қанға тегишлик Йәһва Худаниң қануниға һөрмәт көрситисиз (Әлч 15:28, 29).
Тәйярлиқ қилиш үчүн немә қилсиңиз болиду?
Диққәт қоюп, дуа қилип «Өз ирадисини билдүрүш һәм ишәнчхәт» һөҗҗитини толдуруңa. Чөмдүрүштин өткән қериндашлар әдәбиятларға җавапкар бурадәрдин өзи вә камаләтлик яшқа толмиған балилири үчүн «Өз ирадисини билдүрүш һәм ишәнчхәт» (ic) һөҗҗитини алалайду
Әгәр сиз еғираяқ яки һамилдар болсиңиз ақсақаллардин «Ана болидиғанлар үчүн мәлумат» (S-401) көчүрмисини сораң. Бу һөҗҗәтни еғираяқ яки һамилдар бошанғанда, пәйда болуп қалидиған давалаш мәсилилири бойичә тоғра қарар қилишқа ярдәм бериду
Әгәр сизгә қан мәсилиси яки дохтурда йетип давалаш процедурилири керәк болуп қалса, җамаитиңиздики ақсақалларға алдин–ала ейтип қоюң вә дохтурға Йәһва гувачилириниң бири келидиғанлиғини ейтиң
Ақсақаллар қандақ ярдәм берәләйду? Улар сизгә «Өз ирадисини билдүрүш үчүн ишәнчхәт» һөҗҗитини толдурушқа ярдәм бериду. Лекин ақсақаллар сиз үчүн давалаш қарарини қобул қилмайду яки сиз таллиған нәрсә тоғрилиқ өз көзқаришини ейтмайду (Рм 14:12; Гл 6:5). Җамаитиңиздики ақсақалларға қан билән бағлиқ давалаш әһвалға чүшүп қалғиниңизни ейтқиниңизда, улар сизниң намиңиздин «Дохтурханилар билән алақилишиш комитети» (HLC) билән алақә қилалайду.
«Дохтурханилар билән алақилишиш комитети» сизгә қандақ ярдәм берәләйду? Дохтурханилар билән алақилишиш комитетида хизмәт қилидиған бурадәрләр дохтурлар билән юристларға қанға тегишлик диний көзқаришимизни чүшәндүрүшкә ярдәм берәлиши үчүн тәлим алған. Шуңа улар қансиз давалинишиңиз үчүн сизниң дохтуруңиз билән бу тоғрисида сөзлишиши мүмкин. Әгәр дохтур келишмисә, қансиз давалайдиған дохтурни тепип беришкә ярдәм берәләйду.
«ҚАН БИЛӘН БАҒЛИНИШЛИҚ ДАВАЛАШ МӘСИЛИСИДӘ ТОҒРА ҚАРАР ЧИҚИРИШ» ВИДЕОСИНИ КӨРҮП, СОАЛҒА ҖАВАП БЕРИҢ:
Бу видеодин қан билән бағлинишлиқ давалаш мәсилисидә алдин–ала тәйярлиқ қилишта немигә үгинисиз?
a «Мәңгү шат-хорам яшаң!» китавидики 39-дәрис қан билән бағлинишлиқ давалаш мәсилисидә қарар чиқиришқа ярдәм бериду.