Оқурмәнләрниң соаллири

Йәрдә кимләр тирилиду вә улар қандақ тирилишни баштин өткүзиду?

Муқәддәс китапта бу тоғрилиқ немә йезилғанлиғини көрәйли.

Әлчиләр 24:15тә «һәққанийларниң һәм һәққаний әмәсләрниң, тирилиши болиду» дәп йезилған. Һәққаний кишиләр һаят чеғида, Худаға итаәтчан болған, шуңа уларниң намлири хатирә китавиға йезилған (Мал. 3:16). Һәққаний әмәсләр болса, һаят чеғида, Йәһва Худа тоғрилиқ билим елиш үчүн йетәрлик пурсити болмай, өлүп кәткәчкә, уларниң исимлири хатирә китавиға йезилмиған.

Йоһан 5:28, 29-айәтләр билән Әлчиләр 24:15тиму охшаш икки топ адәмләр һәққидә йезилған. Әйса пәйғәмбәр «яхшилиқ қилғанлар — һаятқа еришиду, яманлиқ қилғанлар — әйиплиниду» дегән. Һәққаний кишиләр өлүшидин авал яхшилиқ қилған. Һәққаний әмәсләр болса, өлүшидин авал яманлиқ қилған. Уларниң исимлири һаятлиқ китавиға йезилғачқа, улар һаятлиқ үчүн тирилиду. Бирақ һәққаний әмәсләр болса, өлүштин авал яманлиқ қилған. Улар һөкүм үчүн тирилиду. Уларниң исимлири хатирә китавиға техи йезилмиған. Улар һөкүм қилиниш үчүн мәлум бир вақит күзитилиду. Әшу мәзгилдә уларниң Йәһва тоғрилиқ билим елиш вә өз исимлириниң һаятлиқ китавиға йезилиш пурсити болиду.

Вәһий 20:12, 13тә һәммә тирилгән кишиләр «түртәкләрдә йезилған бойичә» яшиши керәк болиду. Йеңи дунияда йеңи қанунлар болиду. Уларға әмәл қилмиғанлар һалак болиду (Йәшая 65:20).

Даниял 12:2дә «тупрақта ятқан өлүкләрдин нурғунлири тирилиду» вә бәзилири «мәңгүлүк рәсвачилиққа тирилиду» дәп алдин-ала йезилған. Бу айәттә тирилишниң икки нәтиҗиси йезилған: «мәңгүлүк һаяттин бәһримән болиду» вә «мәңгүлүк рәсвачилиққа тирилиду». Миңжиллиқниң ахирида бәзилири мәңгүлүк һаятқа еришиду, башқилири болса, мәңгүлүккә һалак болиду (Вәһ. 20:15; 21:3, 4)

Бир мисални алайли. Бу икки топ адәмниң тирилишини башқа дөләттә яшашни халиған чәт әллик кишиләр билән селиштурушқа болиду. Һәққаний кишиләр худди бир иш-орниға яки шу җайда туруш үчүн визаға еришидиған кишиләргә охшайду. Уларниң мәлум дәриҗидә әркинлиги бар болиду. Һәққаний әмәсләр болса, вақитлиқ туруш яки сәяһәт үчүн виза алғандәк болиду. Шундақ чәт әлликләрниң йеңи дөләттә давамлиқ яшишиға рухсәт қилиниши үчүн улар өзлириниң қандақ кишиләр екәнлигини көрситиши керәк. Шуниңға охшаш, тирилгән һәққаний әмәс кишиләр җәннәттә давамлиқ яшиши үчүн Йәһваниң қанунлириға бойсунуп, өзлириниң һәққаний екәнлигини испатлиши керәк. Чәт әлликләр дәсләптә қандақ виза билән башқа бир дөләткә киргән болушидин қәтъийнәзәр, бәзилири ахирида шу дөләтниң пухралири болалайду, йәнә бәзилири шу дөләттин қоғлинип чиқирилиши мүмкин. Уларниң йеңи дөләтниң пухраси болғанлиғи яки болмайдиғанлиғи шу дөләткә болған көзқаришиға вә жүрүш-турушиға бағлиқ болиду. Шуниңға охшаш, тирилгән кишиләрниң йеңи дуниядики садақәтмәнлиги вә жүрүш-турушиға асасән уларға әң ахирқи һөкүм чиқирилиду.

Йәһва пәқәт меһир-муһәббәтлик Худа болупла қалмай, бәлки адаләтлик Худадур (Қ. шәр. 32:4; Зәб. 33:5). У Өзиниң меһир-муһәббитини көрситип, һәққаний вә һәққаний әмәс кишиләрни тирилдүриду. Бирақ улардин Өзиниң әхлақий өлчәмлиригә мас яшашни тәләп қилиду. Йәһвани яхши көргәнләр вә Униң қанунлириға бойсунидиған кишиләр йеңи дунияда давамлиқ яшалайду.