Төләмдин бурун гуналарниң кәчүрүлүши

Әйса җенини пида қилип, төләм қурбанлиқни бәргәчкә гуналиримиздин кәчүрүлүш мүмкинчилигигә егә болдуқ (Әфәс. 1:7). Бирақ Муқәддәс китап мундақ дәйду: «Өтмүштә қилинған гуналарни кәчүрүп, Худа чидамлиқ көрсәткән еди». Демәк Әйса Мәсиһ төләм қурбанлиқни бериштин бурун Худа аллиқачан кишиләрни кәчүргән еди. (Рим. 3:25). Немә үчүн Йәһваниң шундақ қилиши Униң мукәммәл адиллиқ өлчимигә зит болуп қалған?

Йәһва Худа иман-етиқади бар кишиләрни қутқузуш үчүн бир «әвлат[ни]» әвәтишкә вәдә қилған. Худа шу вәдини бәргәндә, Униң нәзәридә төләм аллиқачан төләнгәндәк болған еди (Ярит. 3:15; 22:18). Йәһва Худа вақти-саати кәлгәндә йеганә Оғлиниң өз ихтияри билән һаятини төләм сүпитидә беришкә тәйяр болидиғанлиғиға толуқ ишәнгән (Гал. 4:4; Ибр. 10:7—10). Әйса йәрдә болғанда, Йәһва Худа аллиқачан униңға гунани кәчүрүм қилиш һоқуқини бәргән. Чүнки Әйса өз җенини төләм қурбанлиғиға бәргәндә, ишәнч көрситидиған адәмләрниң гуналирини кәчүрүм қилалатти (Мәт. 9:2—6).